大寶生日月節目巡禮@遊叮叮河

 

  3月1日, 星期日, 涼 

 

 

踏入 3 月份, 即代表, 大寶快將 3 歲啦~

由於我同 baba 平日都無咩時間陪佢去玩,

咁就唯有每個周日都搵樣節目過佢開心吓~

而佢近期至愛就係 " 遊叮叮河 "

呢樣咁優惠嘅活動, 我當然 say yes 啦~

 

 

今日幸運地搭到架懷舊叮叮~

大人細路都咁 high 呀~

呵呵~ 即時自由行上身, 影吓東影吓西~

當正包車咁影呀,

 

 

 

 

 

 

 

 

原來大寶個 " 嘟嘴 " 樣係遺傳自我........

呢個小動作... 我成日做都唔知添...

等我仲成日話大寶, 做咩學人咁醜樣...

唉........ 原來個人就係我!!!!!!! 真失策........

 

 

 

 

 

 

沿途都無咩人搭叮叮, 唔知係唔係我開始老呢~

我覺得呢 d 車好靚呀, 又可以慢慢睇街景,

假日就係要慢慢享受生活, 放慢 d ~

無咩目的地, 只係一家人齊齊坐吓, 睇吓~

悠閒地消磨時間~

 

 

 

 

今日我特登留低細寶比爺爺嫲嫲照顧~

希望大寶知道, 我哋心中依然鍚佢,

唔會有咗細寶就忽略佢,

 

 

 

 

hea 吓 hea 吓~ 個曳人就瞓咗啦~

唔曳時都好得人鍚好天使嘅~

 

大寶~ 大個仔啦~ 不再 bb 了,

要健康, 要快樂, 要樂天, 要聽教, 要講理, 要食飯, 要自己行, 要自己瞓......

 

 

 

 

 

 

但最最最最緊要係~

要知道, 我哋永遠都咁鍚你o架~