大寶生日月節目巡禮@長洲

3月8日, 星期日, 陰天,

 

今日我哋目的地係長洲~

第一次來嘅大寶, 對每事每物都雀躍萬分~

灰灰的天都無損開朗嘅心情呀~ 

 

 

 

 

大寶睇得 papa 拜神拜得多, 一見香燭就自動波去請請~

唔知係咪以為請完 = 有嘢食??

 

 

 

 

係就係有嘢食, 不過就係好舊式嘅拍拍朱古力粒,

為咗令呢個曳人自己行, 我哋就要買咗小食比佢....

唉...... 都係寵壞啦.......

 

佢行得幾步就自己同自己講 " 係咪好倦呀? 有d肚餓呀? 咁就食一粒啦~ "

跟手就自己拍一粒食, 完完全全係我對佢講嘅語氣.....

超級自私嘅大寶, 一粒都唔請我哋食..... 自私鬼!!!

 

不過都好, 起碼佢真係肯同我哋行足一日~

仲愛上呢隻舊式朱古力添~

 

 

 

 

 

 

 

有得睇無得食嘅細寶, 就不停食自己個嘴~

呢期玩口水, 玩脷, 玩嘴唇, 玩食手指, 總之就係口沬橫氣... so dirty....

 

 

 

 

續上次嘅人肉層層疊之後, 今次又玩人肉三文治~

 

 

 

 

 

 

朱古力糖嘅魔力就係令到成日要人抱嘅大寶都肯去行山,

仲要勇往直前無停過,

但今次... 我都完成唔到呢個叫 " 小長城 " 嘅地方...

因為實在太多梯級啦... 斜路都好d...

有大有細之下我實在顧唔哂,

 

幾任性都要放棄啦.....

下次再來過, 我要完成佢!!!!!!

 

 

 

 

行唔成山, 就轉場去行沙灘啦~

大寶大大聲話要赤腳行沙灘...

扭來扭去係都話要脫鞋,

點知一脫鞋, 個表情己出賣咗佢.....

d 沙都唔係沙, 係石粒, 又點行呀??

如果企咗係度做企鵝!!

 

 

 

 

 

 

 

係咁 hea嘅心情下, 最好就係坐低飲杯嘢 + 發吓夢啦~

 

 

 

 

 

 

 

呢個細寶~ 想話影張合照啫~

駛唔駛扮哂明星咁, 搵布遮面??

 

 

 

 

 

 

 

曳人大寶~ 今日又係口不停~

佢話好舒服, 好開心, 所以想食多 d 嘢喎~

正餐又唔見你好開心, 好舒服?

 

 

 

 

 

 

 

山長水遠來到, 當然要試吓呢個完個炸薯條圈啦~

十分美味呀~

 

 

 

 

 

 

本想食埋個海鮮大餐才走人嘅...

但發生咗件大大大大大事.....

 

就係, 大寶走失咗!!!!

當時, 我正忙著幫細寶加衫, 而附近嘅小朋友又煩煩貢,

係咁問我細寶呢樣個樣,

一個唔留神, 大寶就走咗去搵 baba,

但其實 baba 就係附近拋垃圾, baba 唔知佢去搵佢,

而大寶又唔知 baba 去拋垃圾,

神推鬼湧.......

佢就自己行開咗....而我哋又唔知....

 

 

大寶就行咗去魚檔睇魚,

好彩佢企定定無再行開, 如果唔係, 死都唔得掂.....

 

 

大寶就搵番, 但我就比 baba 鬧到狗血淋頭,

經之一役....

 

 

我日後必定金晶火眼咁睇實佢地..