各有各忙

 

 

 

模範大佬又上身啦,

見我唔理細寶, 自動請纓抱佢陪佢~

 

 

日子有功, 開始識得抱腰而唔係 " cool 頸 "

個細寶就話之你, 有得食手指就得啦, 任你舞~

 

 

大寶仲首次主動叫我哋影相添~ 笑到甜一甜~

 

 

 

 

 

 

講開又講, 細寶都開始發牙癢啦....

時不時就咬我....

真係想立即打巴佢....

心諗啫~

江湖規矩, 埋身餵就預咗啦.......

 

 

唯有一咬就立即放嘴 + 訓話 + 打嘴仔

呢招對大寶好駛得, 對呢位新惡爺唔知得唔得....

 

 

 

 

不過我近日都牙膠旁身......

一見佢起勢食雞比就隊佢食牙膠,

止吓咳都好啦~

 

 

大寶好鍚我呀, 一見我留低就即刻提我

" 媽咪~ 牙膠呀, 細寶要食牙膠呀~ "

" 細寶, 你食牙膠啦, 唔好食手啦~ "

嘩~~~~~~~~~~ 聽到都知佢細心呀~

真乖仔~

 

 

 

 

 

 

知大寶想我日日陪佢, 所以今個月每朝,

我都陪佢落公園玩一陣才返工~

當係生日月嘅禮物~

哈哈哈哈~   真真係算 c 草呢~

 

 

呢招果真有效~

同時令佢心情平伏好多, 無咁忟薑, 笑容都多番~ 

 

 

係唔係己脫離 trouble 2呢??

d 口不對心~

郁 d 就大發脾氣~

貼身膏藥呀,

日又抱夜又抱~

咩都話唔識, 唔知, 唔得, no no 先生係唔係走咗啦??

我個可愛笑笑大寶係唔係會番來啦??

3 歲! 3 歲! 正式不再 bb 啦~

 

 

 

 

倆個小東瓜~ 係度轆來轆去~

大寶話要學玩大長轆喎~

難得個細寶真係全程無將隻手離開過個口.....

你有你忙, 我有我忙~

好一個自得其樂, 與世無爭......