心中地位

 

嗚嗚~~~~~

自認係大寶心中一直係第一位嘅呀四,

現在地位不保不特止, 仲每況愈下添....... 唉.....

 

 

自從有咗細寶之後, 首先要焗住介奶....

跟住就係抱少咗.....

再跟住就係陪唔到佢跑跑跳跳.....

久而久之..

陪食, 陪玩, 陪瞓嘅 3 陪生涯就一去不返啦.....

 

 

佢個心已經離我而去啦......

+ 上每日都叫住 ba ba 或姐姐,

再唔係就 pa pa, 最尾才到我..

 

 

心心不憤之下, 成日都煩住佢,

不停又抱, 又攬, 又陪睇圖書, 又陪沖涼, 又陪去公園,

哈哈~ 總之 2 仔底死跟~

再 + 上日鵝夜鵝提住佢 " 媽咪最鍚大寶~ 媽咪最鍚大寶~ "

總之就有咁煩得咁煩, 係要煩到佢肯跟我多 d 為止....

 

 

講真.....

每次佢一講 " 唔要媽咪呀, 要姐姐!!! " 再 + 個好肯定嘅眼神,

心內真係滴淚呀.... 嗚嗚~~~~~~

想當初... 我日捱夜捱咁餵奶.. 陪玩..

難道你一 d 記憶都無??

你一個唔該就唔理我....

 

 

好在~ 經過我日以繼夜嘅魔咒,

佢家下終於都講唔捨得我返工~ 好掛住我啦~

仲一見我得閒就攬吓我啦^^

 

 

大寶~

呀四真係唔怕辛苦o架,

你最緊要至緊要日日都搵我陪你呀~

 

 

久未重現嘅拍拖行街~

坐住最愛叮叮~ 拖住煩人呀四~

 

 

早幾日, 大寶心血來潮~

瞓係 bb 床度, 左手一個細寶, 右手一個呀四,

好細心咁講故事比我哋聽~

個一刻真係甜到爆^^  哈哈哈哈~~~~~~

 

 

快啦, 快啦~

好快就 2個一齊跑跑跳跳啦~

 

細寶5個月大近況

 

2月27日, 星期5, 晴

 

細寶5個月大啦~

近日嘅硬頸練習進展都唔錯~

已可以左右互轉來轉去周圍8,

坐都坐到一陣,但隻天殘腳就不停橕來橕去, 時有卒腳子添~

 

但唔知關唔關天氣事,

竟然連細寶都有起濕疹跡象........ 好擔心.......

所以夜晚瞓得唔多好, 成日自己 r 損頭, 傷心死呀.......

 

 

 

 

睇吓睇吓, 發覺佢d頭髮都開始長啦..

特別係頭頂個幾條曳人天線, 日日都癲佬正傳,

今次影相特登將佢梳到蛋撻頭, 即時乖哂~ 靚仔呀^^

 

 

 

 

近期 popo 大紅人呀, 大嘅又要佢, 細嘅又要佢~

 

popo 每日行山之時, 大寶都會大叫大喊 " 唔好去啦, 我唔捨得你呀~ "

 

popo 傾電話時, 大寶又叫 " 唔好傾啦, 我同你玩啦~ 收線啦!!! "

記住, 係大寶陪 popo呀, 佢成日認為佢陪我哋玩o架~

 

popo 想瞓晏覺時, 大寶又叫 " popo~ 去公園啦~ 去搵四眼哥哥啦~ "

 

就連半夜, 發夢發醒都係叫 " popo~ 抱吓我啦~ 我想你陪我瞓呀... "

 

又成日整蠱 popo, 好正經咁講 " 見你今日咁乖, 自己瞓同食哂碗飯, 就獎你食出其蛋啦, 好無? 再唔係, 就一粒糖啦~ " >>>>> 呢句話係 baba 金句~ 每日必講..

 

 

 

 

就連個細嘅都好愛 popo o架~

 

一朝起身就係要出廳, 瞓住梳化睇 popo 做運動~

 

e e 鵝鵝咁係咁傾~

 

一見行開就大喊, 扭抱....

 

心軟 popo 就即時抱起, 帶佢周圍8~

 

睇船啦~ 睇鏡~ 睇玩具~ 周屋行... ( 雖然間屋好細..... )

 

 

 

每日~

popo 嘅所有時間就係咁.... 比哂2寶啦^^

 

夜半驚"屎"

 

昨夜....

如常咁同 2 寶瞓覺...

 

唔知係唔係倦得滯, 我同 baba 都唔記得起身豆大寶去 sh,

咁大寶半夜無嗱嗱大叫, 我即時扎醒, 知佢 sh 濕咗,

就懵懵鬆鬆咁幫佢換褲, 仲識得睇吓張床有無濕,

 

好啦, 換完褲之後,

一直都聞到一陣臭屎味....  但又唔見條褲有屎....

咁咪以為佢放屁啫...

一個倒頭就想瞓啦,

 

點知望吓望吓....

點解我隻腳有嚿 "黑色" 物體嘅??????

再望真d.... 成個人醒哂兼縮都縮唔切.....

嘩!!!!!!!!!!!!!!!!!!!!!!!!!!!!!!!!

臭屎一大嚿!!!!!!!!!!!!!!!!!!!

你個大寶呀, 半夜賴屎.....

一定係我幫佢換褲時唔為意飛趺咗出來.......

 

唔怪得咁臭啦...

終於, 成家醒哂,

換床單, 洗腳,

唉.........

個大寶就當無件事... 照瞓~

你都得o架啦.....

 

 

 

 

2寶生活影片

 

細寶在4個月健康院檢查時, 比姑娘話佢頸力唔夠,

咁我梗係比多 d 練習佢練啦, 但細寶十分唔合作,

加上大寶成日整古佢, 明明用玩具引佢玩得幾開心,

偏偏大寶就來搶佢玩具.....

即時分心哂.....

 

 

 

中午再接再厲, 頸力練習開始唔夠一陣....

細寶已喊到苦瓜乾咁...

係咪投訴練得太辛苦呢???

 

 

 

好啦.... 一日練3次對細寶來講都係辛苦咗d,

我都係一個心軟嘅呀四...

晚上就唔練住, 同大寶玩一陣啦~

單車

每日下午,

大寶都會到公園玩一陣, 而近來在公園識了位四眼哥哥,

佢好喜歡大寶, 倆人常有互帶玩具落去交換玩,

 

 

今次, 四眼哥哥就帶了單車, 雖然大寶都有一架,

但大寶架係bb式3輪單車, 而哥哥嘅係小童款,

大寶係唔夠高+唔夠力玩,

咁... 哥哥又好好人, 會推吓佢, 又幫佢轉軚, 照顧周到~

 

 

之但係.....

哥哥又有d曳嘢影響到大寶,

就係..... 係唔係都叫 " 救命~ "

同埋嚇大寶話周圍都有怪獸捉佢,

 

 

細膽大寶就信以為真....

晚晚都大叫~ " 救命呀~ 有人捉我, 好驚, 好驚! "

其實都唔知佢係真定假, 但就煩到我好恔.....

 

 

終於, 婆婆又諗到計啦~

就同大寶講 

" 怪獸o黎唔到屋入面o架, 佢無鎖匙呀, 入唔到來, 我哋唔會亂開門o架~ "

就係咁... 大寶安心哂~ 再唔會係半夜叫驚驚啦,

人多真係好辦事, 咁快就解決咗一件事...

不過仲有好多燎Q嘢未解決....

 

 

 

大寶單車初體驗

 

 

4個月健康院檢查

 

2月18日, 星期三, 晴,

健康院檢查,

 

 

細寶 : 4 個月零 3 星期

體重 : 6.65 公斤

身長 : 65 cm

維持在 25 % 線內, keep 住做細碼 b........

 

 

眼睛 :

唔多肯跟物件移動, 自己有自己搵嘢望, 無視姑娘嘅玩具引誘,

姑娘話佢太唔專心, 要用玩具引佢注意, 練多d~

 

 

頭頸 :

同上, 唔肯跟物件移動, 自己有自己搵嘢望, 無視姑娘嘅玩具引誘, 同時, 條頸一直只肯向左轉, 死都唔轉另一邊....

姑娘話佢條頭一邊肌肉可能唔夠力, 要趴係度練習抬頭, 強化頸部肌肉, 同埋拉佢隻手+身體向上, 專攻頸肌練習, 加油~

 

 

手 :

同上, 唔肯接同攞玩具, 自己有自己搵嘢望, 理都唔理姑娘...

 

 

姑娘結論 :

細寶唔專心, 頸唔夠力, 手唔肯攞玩具,

問我擔唔擔心? 見唔見 e 生?

我當然擔心, 想見 e 生啦,

就係咁.. 一個月後再見 e 生, 到時再睇吓細寶狀況如何...

 

 

但最後姑娘又話....

可能眼瞓都唔出其, 因細寶不停流住口水 + 打喊路 + 眼泛淚光 + 唔多耐煩 + 手同腳不停發來發去.....

呢 d 都似足扭眼瞓, 無 mood 唔想彩我哋...

點都好,

一個月後再回來, 希望細寶係呢個月好好練頸力, 做個硬頸人~

 

 

最後,

打堆針, 做埋大喊十就完成今次檢查啦~

 

 

煩人早餐

 

 

每早，大寶如常唔捨得ｂａｂａ返工，

正當倆人互相拉鋸時，

大寶無嗱嗱彈句

”我想ｂａｂａ同我食早餐，之後先返工呀！”

鍚大寶鍚到燶嘅ｂａｂａ，

唯有乖乖坐定定陪做呀四～

 

 

今次倆仔爺有了０的突破，

就係ｂａｂａ餵到一餐早餐！！

唔係無試過，只係第一次成功完成，

 

 

ｂａｂａ次次餵餵吓，一係大寶自己走咗去玩，

一係ｂａｂａ無耐性，鬧佢幾句之後就不歡而散．．．

今次嘅珍貴第一次，

真係值得記一記～

 

 

剃鬚膏？

 

 

話說大寶唔多喜歡刷牙，每次都係刷一陣就走人．．

心諗唔係辦法，要諗計．．

 

 

咁啱大寶對ｂａｂａ嘅一舉一動都好有興趣，

真係愈少見就愈愛愈痴嗰個？？

一於就氹佢話，ｂａｂａ每日都會用剃鬚膏ｏ架～

你試唔試吓呀？？我哋個個都用ｏ架～

 

 

實情係用牙刷當剃鬚膏，哈哈～

就係咁．．　每日都叫婆婆扮用剃鬚膏，

而其實係婆婆刷牙刷到成口泡嘅假象，

 

 

就係咁佢立即想學埋一份，

由好抗拒刷牙變為好喜歡，

都係多得婆婆夠醒咋～　

 

 

 

 

情人節禮物

 

２月１４日，星期六，熱

 

又到破財節啦，

今年．．

大寶都有一份情人節禮物，

係我老死送嘅手指公仔，

家吓每晚都要我講一次才肯去瞓，

是近期至愛～

 

 

 

 

而我都唔執輸，迫ｂａｂａ送了個景品比我～

 

 

 

 

至於ｂａｂａ．．

呵呵～　好ｓｏｒｒｙ～

今年我唔記得買．．．

就叫２寶送個香吻比你當賠罪吧～

 

 

 

 

 

一唱一和

 

 

成個２月都無咩心機返工．．．．

早早回家陪大寶～

 

 

今日大寶好心情，不停叫我比細寶佢抱，

仲話要教佢唱歌添，

 

 

 

其實．．．

我想每日都陪住你哋ｏ架，

 

如果大寶唔好突然製造ｄ尖叫，嚎哭．．

（咁細寶會瞓得定ｄ）

 

如果大寶肯主動食飯同瞓晏覺．．．

（咁我會有時間顧到工作同你哋）

 

如果大寶唔好成日扭抱．．

（咁我得２隻手，抱得幾多？？）

 

如果大寶唔好成日學細寶食手指，

（專學衰嘢，又唔見學細寶早早瞓覺）

 

 

咁．．．

你哋倆曳人就可以一齊同我返工啦～

而唔需要半年嘅冷靜期，

因為我真係想你哋快ｄ一齊玩，一齊笑～

 

 

 

 

落坑王子

 

 

玩完生日會，時間尚早又見大寶未玩過真保齡球，就試一試啦～

雖然我同ｂａｂａ都好耐無玩．．．．

 

 

大寶見到五顏六色咁多波，已急不及待即刻衝住出去打波啦，

隻手都唔夠大，但又唔肯比ｂａｂａ幫．．

 

 

 

好認真咁一步一步行出去，再眼望前方，

我心諗”千萬千萬唔好隨便放手，唔好唔好宅親腳指”

 

 

 

 

 

硬頸王仲推開ｂａｂａ，自己推個波出去，

點知第一次又比佢符符轆轆中咗幾支，

 

 

 

可惜後勁不接，接住幾次都鬼成咁細力．．．．

轆成分鐘都唔到位．．　變為落坑王．．

 

 

ｂａｂａ好心出手打多一球，點知又比度”閘”推返轉頭，

大寶眼見２個波係個坑度唔上唔落，好失落．．．

不停企係度等佢返來”我等著你回來～　我等著你回來～～”

 

 

 

每打一球前後，倆個小人仔都去吹一吹隻手，

真係專業到暈，亦都扮嘢到暈，哈哈～

 

 

 

得舖牛力嘅你，唔知會唔會愛上此活動呢？

 

 

 

經過一整日激烈活動，一心諗坐你一定會好倦，會好快入睡啦，

點知．．．．　興奮過度，成晚都瞓得唔好，

一個鐘起一次身，

唉．．．．

仲辛苦過無得瞓呀，

 

 

 

3歲生日party

２月１５日，星期日，

 

大寶參加咗個３歲生日ｐａｒｔｙ，今次見回好多朋友仔，

唔覺唔覺都有幾個月不見啦～　個個都醒咗好多！

 

 

雖然大寶下個月才生日，但佢一見蛋糕就自然興奮，

不論個蛋糕好食與否．．．

有得玩，有得唱生日歌就ｏｋ啦～

 

 

 

不問自取就拿住３個氣球，玩到走都要我帶埋返屋企．．．．

 

 

 

 

超慢熱嘅大寶，由瞓醒到投入去玩，要成個鐘．．．

好彩都趕得切玩集體遊戲，

今次搞手請了ｐａｒｔｙ專家，好有系統咁帶住咁多人仔，

所以個個小朋友都玩得好投入同開心，

不過地方就細咗ｄ，人就多咗ｄ，好迫咁．．．

可能我慣咗去戶外玩，一次過咁多人，我有ｄ唔自然，

 

 

 

 

玩玩吓，又走咗去買玩具槍，同朋友仔係商場入面玩ｗａｒ　ｇａｍｅ，

倆個都好有型～

唔知點解，男仔揸槍真係好有型，不論大ｏｒ細，哈哈～

 

 

 

大人就話商場如戰場啫，點解你哋又係？？

 

 

 

難得的合作，叫佢企定定影張相，即做～

都係多得有支槍咋！！

 

 

 

 

難得呢度有個吹氣城堡，大寶係入面癲傻狂奔，

 

 

 

嗱住個氣球當寶，

 

 

 

曳人真係要餓吓才識食ｏ架，明明中午有意粉唔肯食，

瞓醒又掛住玩，終於停落來就知肚餓啦．．

唔多好食嘅蛋糕都食到津津樂道～

你．．．．　真係要餓吓先有進步，