早上, 同大寶去了游池玩水, 當佢見到我帶住潛水鏡游水時, 就開始對我呢副嘢有興趣啦, 加上附近又有幾個大哥哥帶住係度玩水, 大寶就不停講 "我想帶呀, 我想帶哥哥個副綠色眼鏡呀~" 如是者就講到走都講緊.........
咁啱今日下午我去買細寶既bb嘢, 就順手買了o架單車兼潛水鏡啦~
一返到屋企就開心到飯都唔想食, 一路都講住 "有哥哥眼鏡啦! 有哥哥綠色眼鏡啦!!" 既然你咁喜歡, 就落街踏單車曬月光啦~
但..... 估唔到係咁黑既情況下, 大寶呢個硬頸人係都要帶潛水鏡, 真係...... 好堅持+好傻豬!!!!! 但佢又自得其樂喎, 仲笑得好開心添~
大寶好喜歡呢o架叮噹單車, 嘻嘻~ 仲將叮噹對住自己,
其實.... 傻豬寶係未識踏單車嘅, 唔知佢係唔識定係未肯用力呢??
最後都係我推佢去婆婆度....
指定動作>>>>>去運動場跑圈!!!
每次夜晚去搵婆婆都要去行番1, 2個圈才肯走嘅~ 希望佢呢鼓運動熱能夠保持下去!
跑完步, 我以為佢會忘記眼鏡,
點知.... 一飲水就醒起要帶番啦! 咁好記性??
自己好乖咁推車返屋企添~ 估唔到, 估唔到!! 哈哈~
最後, 返到屋企, 沖涼要帶, 連瞓覺都要帶住,
唔知呢股潛水鏡熱係咪3日香呢??
大寶嘅堅持真係好傻豬+可愛 呀, 原來臭臭同大寶都係叮噹fans呀
回覆刪除[版主回覆08/05/2008 16:23:00]臭臭愛叮噹O架, 大寶都係近期愛上, 晚晚都要睇一個故事先肯瞓O架,
實係啦,哈哈
回覆刪除大寶好健康呀,晚晚去跑步
[版主回覆08/05/2008 16:25:00]哈哈, 我都想日日去, 但只係一星期得2晚到咋....
大寶越來越古靈精怪!
回覆刪除[版主回覆08/05/2008 16:26:00]其實佢仲有好多古怪嘢, 不過我記唔切咋
大寶好可愛, 我越睇佢越似小新! 佢好有性格呀, 唔好話佢梗頸, 佢帶住個潛水鏡, 真係好鬼有趣, 好似飛機師.
回覆刪除[版主回覆08/07/2008 15:23:00]你唔講我都唔多覺, 大寶真係幾似小新 , 睇o黎我都係唔好再睇咁多蠟筆小新... 如果唔係, 細寶都一樣嘅話, 我就暈啦
大寶真係好堅持同可愛. 其實講真, 帶住個鏡應該唔係好舒服?!
回覆刪除[版主回覆08/07/2008 15:30:00]佢好得意, 帶係眼度一陣覺得唔舒服就會推去個頭到度, 跟住覺得ok啦, 又轉返去眼度, 不停推上推落, 我都服咗佢...
不過佢又帶得好有型喎!
回覆刪除