改咩名好呢??

近日, 又係度煩惱細寶叫咩名好呢?????

同大寶一樣叫 " 楊泓X" 定 "楊X禧:" 亦或 "楊XX"??? 真係好難決定.....

 

講起改名, 又令我想起 "大寶" 呢個乳名嘅由來...........

話說我駝大寶時, 因為係冬天既關係, 我個個星期都打邊爐,

傾開計時, 呀媽就提我, 有時間要多d同個bb傾計呀, 而我又唔想剩係叫bb咁普通,

咁我就講, 不如男嘅就叫"羊腩煲" , 女嘅就叫"羊胎素" 啦, (因為我打緊邊爐嘅關係, 立即就想起啦~哈哈)

而且兩樣都咁低打又補身~ 好嘢呢o架, 哈哈~

呵呵~ 當然, 最低打嘅就係我呢個呀媽啦, 改埋呢d名..... 被眾人反對下, 終於都放棄了.....

 

咁baba就講 "你咁鍾意小飛象, 不如就改Dumbo嘅中文叫法{大寶}啦~"

e~ 又ok喎, 又附合爺爺成日想叫寶兒既要求, 話哂都有個寶字呀, 但又無需改落個真名度, 一舉兩得~

就係咁, 大寶就咁出來了,

而細佬就在無得皂嘅情況下跟住叫"細寶"了, 真係對唔住細寶啦........

所以細寶既真名點樣叫, 真係諗到頭大......