早上無咩節目, 又去了游水~
嘩~ 原來游水對我呢個大肚婆係咁舒服既~ 之前既腰酸骨痛經過呢2次既游水都有好轉, 早知就游多d啦, 哈哈~
游完水經過草叢時, 大寶一直周圍望.......
咁我就問佢你搵咩呀?
大寶就答" 搵蝸牛囉!!"
咁我就醒起, 好耐好耐以前.... 落完雨同佢經過草叢時見過有蝸牛係度爬吓爬吓,
我就講話 "逢係打風落雨之後, 蝸牛都會出現o架~"
估唔到, 佢咁記得~
加上早幾日打風, 佢好自然又記起了~
本應都係周圍睇無咩特別... 點知返到屋企樓下時遇到婆婆!! 個曳人又o黎料啦, 死纏住婆婆話要搵隻蝸牛...
就係咁, 今日我家就多了隻新寵物 "蝸牛!!! "
講真... 我好驚呢d滑散散既嘢.....
但大寶就無比興奮!! 原來早幾日姐姐都同佢係草叢度睇過玩過, 仲講比大寶同婆娑知, 佢哋家鄉興食蝸牛既?! 嗚......... 我想起都怕怕
,
點知個大寶都跟埋姐姐講 "我又食, 我又食, 要2隻!"
之後一整日就不停講住 "我鍾意食蝸牛呀, 我要睇蝸牛呀~"
真係........... 我想c...
終於, 晚上我頂唔住啦, 叫姐姐幫我送走隻嘢!! 但個曳人就喊哂口講唔舒得, 唔好送走佢, 係真喊並唔係假!!!
幾經辛苦, 終於同隻蝸牛講bye bye啦,
而個代價就係一包"卡樂b薯片!!!"
今次真係多得婆婆唔少呀..........
我同baba又失手破戒啦......................
食蝸牛
回覆刪除我未生前都經常游水, 真係幾舒服架。
[版主回覆08/12/2008 11:29:00]係呀, 姐姐話食蝸牛治氣管病添呀, 係印尼好多人食~
但我自問無膽放入口.....
有無d健康d小食可代替 薯片嫁?
回覆刪除[版主回覆08/12/2008 11:33:00]係咁啱得咁橋比佢見到, 因為我同baba睇奧運時食緊, 咁佢放生見返到來, 又喊到豬頭咁, 加上我地又收唔切, 迫於無奈比佢食幾片..... , 呢筆帳!! 我會同婆婆算o架啦
大寶果然係大廚, 連法國蝸牛都識食, 勁!
回覆刪除[版主回覆08/15/2008 15:02:00]大寶真係以為自己係廚師o架, 我成日叫佢師父仔, 切個蘋果比媽咪呀, 佢就會用把玩具刀, 好開心咁切切切
點解婆婆咁叻, 咁容易捉到隻蝸牛?
回覆刪除[版主回覆08/15/2008 15:07:00]我都唔知, 仲要係好大隻添喎!!!
大寶一拿到返o黎就拿比我睇, 嚇到我即時彈開十呎.......