圓方自遊樂

好懶嘅我, 今日只係同大寶去了圓方行街涼冷氣~

無無聊聊hea一日~

好彩商場都有小小活動, 就係玩聲音, 只要大叫, 畫面就會不停增加波波, 而d波波用手不停亂推亂潑就會彈來彈去, 對大寶來講都好吸引,

但都唔夠個女仔d歌聲吸引~ 每次個女仔開聲, 大寶就會傻傻咁望住人, 好好笑~@@ 可惜又唔夠膽開口同人傾計, 唔通平時愛搭訕嘅大寶對住女仔都會怕羞??

商場嘅擺設都可以當玩具, 無氣........

行完商場就去公園仔度玩陣, 都有好多小朋友~

呢個氹氹轉大寶玩到唔願走, 可惜隻腳仔唔爭氣唔夠長, 一定要有其他大哥哥姐姐幫手踏先轉得郁, 好彩都有一兩位輪流上車幫吓手, 如果唔係就辛苦baba要推吓啦~

呢個sir滑梯都經典啦, 唔係一般大人可以輕鬆上到去嘅, 睇吓個入口, 只係一個細細洞口, 真係名副其實for小朋友玩嘅,

但好似大寶呢d咁細粒又唔多夠高嘅人仔, 想玩?? 點都要人幫一幫, 咁啱又有位瘦哥哥肯義務幫吓其他人, 就係咁, d細粒人仔就不停要佢輸送上去啦, 大寶都玩咗成7,8次o架, 仲有其他3,4位呢, 都咪話唔倦...... 係度真係要多謝呢位哥哥仔,

辛苦哂~

 

逃兵

今日約了幾個朋友出去食飯,

算是給自己鬆一鬆, 做了3小時嘅逃兵,

因近日對住曳人寶嘅所作所為,

真係無辦法, 只有投降, 兼想c....

 

我哋幾個雖然唔係常見面, 但朋友就係，

即使我們半年、一年沒聯絡，

依舊相信、知道，無論什麼時候，

大家一聚首, 即使只是一埸閒聊，都會即時付約~

 

今晚, 多謝你哋聽我嘅嘮叨,

心是輕鬆了, 只是身還是有些力不從心呢~

 

夜鬼......

唉...........

近排家裡多了2隻國寶.......

由於大寶再次鐵人回歸, 每晚都在房內玩到12點才肯合上眼....

同4月去旅行時一樣呀,

12點才瞓, 早上8點就起身啦, 下午都只是小睡個幾小時...

我真的, 真的, 真的, 真的頂唔順啦~~~~~~

救命呀!!!!!!

 

因咩事你要咁對自己呢, 你唔夠瞓都辛苦啫?

每一晚都是如此，

威．迫．利．誘．什麼都試過了！

你都係咁..........

 

是嬲我抱少了你?

嬲我只會照顧細寶唔理你?

嬲我哋返工小了時間陪你? 

做底是咩原因呀??

唉......................

尖東自由行

天氣實在太熱了, 令到我對戶外活動少了很多動力.. 除了游水~

無咩地方好去, 就玩番轉科學館同太空館啦~ 

唔知點解, 大寶近日對地球同星球都好有興趣, 唔知關唔關佢睇既圖書事呢, 小人仔既心真係難捉摸?? 

原來場內有幾個主題, 有運動, 有海洋, 有生物, 有飛機, 有鏡迷宮, 好好玩呢~ 更估唔到既係就是多人, 原來好多一家大細來玩, 等我呢位大鄉里仲以為會無咩人添~ 哈哈

 

 

1號選手 : 大力士大寶一舉成功!!!! 勁!!!!

 

原來館內仲有個為小朋友而設既迷你超市, 呢個地方真係勁, 所有小朋友都玩到唔願走, 而大寶都唔執輸, 不停買, 不停去收銀機到收錢, 來來回回幾十轉~

真係有"do"一聲o架, 所以所有小朋友都係逐件貨品慢慢do......

 

 

哈哈~ 好好玩既鏡子迷宮,

 

玩到咁上下, 就high tea, hea吓先~

第2站就去太空館睇地球啦, 可惜大寶未夠3歲, 無得瞓係度睇電影, 唯有下次再來吧~

 

 

跟住就去了睇船同睇人, 好多人既尖東海旁........

點解你見到咩都爬一餐呢??

最後食埋個豐富晚餐就完結我哋今日既行程啦,

自由行~ 好倦呀~

吓??介夜片???

e+晚晚臨瞓前同個曳人穿片片都好困難......

因為已介日片一段時間, 但佢間唔中都會掛住玩而失手, 更何況夜片呢???

但曳人就慣咗唔穿片既自由感覺, 又舒服又通爽~

 

昨夜, 又來料啦, 誓死唔穿, 不停講住 "大個仔, 大個仔, 唔要片片啦~"

我同baba同曳人3個在床度搏鬥了半個鐘.....

結果都係穿唔到, 最後放棄, 諗住等佢一瞓咗就穿啦...

點知..... 曳人一瞓林就sh sh啦...... 哈哈~

成身濕哂都照瞓可也~ 服!!!

我同baba好無奈咁睇住張被同床裖做咗吸水墊...

唉... 都話你未得o架啦~ 玩堅持??

 

想介夜片?! 床裖同我還需努力呀!!  

睇奧運

自從奧運開始之後, 我開工嘅心情就一直未能集中...

由於大寶呢2個星期都無陪我返工,

咁我早上就成日捕住係電視前面睇比賽, 唔做嘢, 哈哈~ 

特別係游水, 跳水, 體操, 舉重, 嘩~ 真係睇到心跳加速!!! 

而細寶又係我個肚度郁來郁去, 可想而知, 細寶都睇得好投入~ 正!!

 

其實, 平時晚上我哋係唔開tv嘅, 但近日嘅奧運比賽咁精彩,

實在唔想錯過, 破例睇吓咁啦~ 

 

好記得早幾日女排比賽, 中國對古巴, 真係睇到忘我呀,

特別係第4場尾段既拉鋸戰, 不停1分咁上上落落, 我同baba不停咁叫住1分,1分,1分咁為中國加油, 大寶見到我哋咁開心又跟住做, 係咁叫, 係咁拍手, 

又不停問, 姐姐打緊咩呀? 又讚姐姐打得叻叻, 真係人細鬼大~

睇女排精彩, 睇大寶又開心, 不失為一個好節目~ 

孩子, 請包容我們老了...

轉貼 :

孩子，請包容我們老了 .....

孩子，當有一天，父母變得囉囉嗦嗦時，請別忘記你們如何要求過我們一遍遍朗讀童話故事，一首首唱著兒童歌謠？

如果有一天，父母的記性變得差的話，請多多提醒，因為我們也不斷提點你們記得帶手冊、帶筆盒、帶功課。

當有一天，父母連自己吃飯的能力都沒有時，請包容我們，因為我們花了多少時間去教你們使用筷子，並一次又一次把掉在地上的食物拾起？

如果有一天，父母不懂得穿衣服時，請幫一幫我們，因為我們的骨頭變得僵硬了，雙手也沒法屈曲起來。還記得父母是如何小心翼翼幫忙穿衣服，生怕弄痛你們？

如果有一天，父母走路跌跌碰碰的話，請給予多一點耐性，慢慢扶著我們走，因為當你們學走路時，父母從不鬆懈牽著你們的手，一步一步向前走。

孩子啊！當有一天，父母連自行如廁的能力也欠缺時，請別埋怨，也別苦惱，把我們交託別人照顧吧，因為父母想保留唯一的尊嚴，在你們心中留下美好的回憶。

願天下的孩子永遠孝順父母。

 

 

改咩名好呢??

近日, 又係度煩惱細寶叫咩名好呢?????

同大寶一樣叫 " 楊泓X" 定 "楊X禧:" 亦或 "楊XX"??? 真係好難決定.....

 

講起改名, 又令我想起 "大寶" 呢個乳名嘅由來...........

話說我駝大寶時, 因為係冬天既關係, 我個個星期都打邊爐,

傾開計時, 呀媽就提我, 有時間要多d同個bb傾計呀, 而我又唔想剩係叫bb咁普通,

咁我就講, 不如男嘅就叫"羊腩煲" , 女嘅就叫"羊胎素" 啦, (因為我打緊邊爐嘅關係, 立即就想起啦~哈哈)

而且兩樣都咁低打又補身~ 好嘢呢o架, 哈哈~

呵呵~ 當然, 最低打嘅就係我呢個呀媽啦, 改埋呢d名..... 被眾人反對下, 終於都放棄了.....

 

咁baba就講 "你咁鍾意小飛象, 不如就改Dumbo嘅中文叫法{大寶}啦~"

e~ 又ok喎, 又附合爺爺成日想叫寶兒既要求, 話哂都有個寶字呀, 但又無需改落個真名度, 一舉兩得~

就係咁, 大寶就咁出來了,

而細佬就在無得皂嘅情況下跟住叫"細寶"了, 真係對唔住細寶啦........

所以細寶既真名點樣叫, 真係諗到頭大......

 

又破戒.....

早上無咩節目, 又去了游水~

嘩~ 原來游水對我呢個大肚婆係咁舒服既~ 之前既腰酸骨痛經過呢2次既游水都有好轉, 早知就游多d啦, 哈哈~

 

游完水經過草叢時, 大寶一直周圍望.......

咁我就問佢你搵咩呀?

大寶就答" 搵蝸牛囉!!"

咁我就醒起, 好耐好耐以前.... 落完雨同佢經過草叢時見過有蝸牛係度爬吓爬吓,

我就講話 "逢係打風落雨之後, 蝸牛都會出現o架~"

估唔到, 佢咁記得~

加上早幾日打風, 佢好自然又記起了~

本應都係周圍睇無咩特別... 點知返到屋企樓下時遇到婆婆!! 個曳人又o黎料啦, 死纏住婆婆話要搵隻蝸牛...

 

就係咁, 今日我家就多了隻新寵物 "蝸牛!!! "

講真... 我好驚呢d滑散散既嘢.....

但大寶就無比興奮!! 原來早幾日姐姐都同佢係草叢度睇過玩過, 仲講比大寶同婆娑知, 佢哋家鄉興食蝸牛既?! 嗚......... 我想起都怕怕,

點知個大寶都跟埋姐姐講 "我又食, 我又食, 要2隻!"

之後一整日就不停講住 "我鍾意食蝸牛呀, 我要睇蝸牛呀~"

真係........... 我想c...

終於, 晚上我頂唔住啦, 叫姐姐幫我送走隻嘢!! 但個曳人就喊哂口講唔舒得, 唔好送走佢, 係真喊並唔係假!!!

幾經辛苦, 終於同隻蝸牛講bye bye啦,

而個代價就係一包"卡樂b薯片!!!"

今次真係多得婆婆唔少呀..........

我同baba又失手破戒啦......................

8號風球下既驚喜

一早起身, 諗住起身返工, 點知.... 望出窗外係白茫茫既??? O~~ 大風大雨!!!

得知8號風球唔駛使做就呆在家中...... 等曳人起身啦~

哈哈, 果然無估錯,

大寶知道我今日留在家就開始心情興奮, 笑到四萬咁口~

我知, 我知, 呀四近來少了在家陪你呀ma, 因為baba現在學人創業, 我點都要支持一吓佢, 幫吓佢手~ 所以就忽略了傻豬寶,

而大寶都好乖既, 無特別發我脾氣, 只是會講吓, "你唔好返工啦... baba都唔好返工啦..." 呢類說話, 聽到有小小唔開心, 唯有應承佢早d返來陪佢玩,

難得今日百無聊賴, 就在家睇吓書, 唱吓歌, 玩吓切生果,

就係咁, 大寶都玩得好開心, 仲成日都攬住我講 " 我好鍾意你o架" 嘩~ 甜到入心入肺呀~ 好耐都無聽過啦~

到中午瞓覺時又攬住我講 " 我好鍾意媽咪o架" 嘩~ 你隻小人仔呀, 氹得我開心到暈暈哋~

之後每玩一陣就走來攬住我同我講一次, 我真係估唔到, 原來佢係咁掛住我地!

 

 

黑夜超人

早上, 同大寶去了游池玩水, 當佢見到我帶住潛水鏡游水時, 就開始對我呢副嘢有興趣啦, 加上附近又有幾個大哥哥帶住係度玩水, 大寶就不停講 "我想帶呀, 我想帶哥哥個副綠色眼鏡呀~" 如是者就講到走都講緊.........

咁啱今日下午我去買細寶既bb嘢, 就順手買了o架單車兼潛水鏡啦~

一返到屋企就開心到飯都唔想食, 一路都講住 "有哥哥眼鏡啦! 有哥哥綠色眼鏡啦!!" 既然你咁喜歡, 就落街踏單車曬月光啦~

但..... 估唔到係咁黑既情況下, 大寶呢個硬頸人係都要帶潛水鏡, 真係...... 好堅持+好傻豬!!!!! 但佢又自得其樂喎, 仲笑得好開心添~

大寶好喜歡呢o架叮噹單車, 嘻嘻~ 仲將叮噹對住自己,

其實.... 傻豬寶係未識踏單車嘅, 唔知佢係唔識定係未肯用力呢??

最後都係我推佢去婆婆度....

指定動作>>>>>去運動場跑圈!!!

每次夜晚去搵婆婆都要去行番1, 2個圈才肯走嘅~ 希望佢呢鼓運動熱能夠保持下去!

跑完步, 我以為佢會忘記眼鏡,

點知.... 一飲水就醒起要帶番啦! 咁好記性??

自己好乖咁推車返屋企添~ 估唔到, 估唔到!! 哈哈~

最後, 返到屋企, 沖涼要帶, 連瞓覺都要帶住,

唔知呢股潛水鏡熱係咪3日香呢??