中環剪影

上個星期日,

同 baba 偷偷走了去中環影相,

留低大細寶比爺爺嫲嫲對付~

有2個鐘自由時間,

真係如釋重負.....

 

今次就來一次傻瓜機對戰單鏡反光機,

睇吓效果如何,

我個人覺得我影嘅角度好過佢, 哈哈~

但相片質數就高下立見.....

大家睇唔睇得出分別呢??

 

下次一於一人一機, 再一決高下~

1.

2.

3.

4.

5.

6.

7.

 

大力士

尋晚, 唔知係咪知道新一年,

  大寶心情特別興奮,

 

不停要求抱細寶,

唔比我哋幫手.....

見佢不停夾實細寶條腰倆邊轉來轉去.......

心都離埋.....

大寶呀!! 細力 d ... 得ma???

 

明知自己唔多夠力都要話我得o架啦, 得o架啦, 你哋放手啦,

不停又鍚, 又貼面,

呢位大哥哥真係....

當細寶係玩具咁玩..

 

 

HAPPY NEW YEAR

 
 

新年快樂

2009

 

 
 
 
 
 

細寶 ~ 3個月

細寶 3個月大, 體重?? 身高?? 因為無去健康院磅 XPPP

 

 

** 嗜好 **

抬頭, 特別係沖涼洗背時, 個頭同條頸都伸到直一直, 對洗下扒來講, 十分方便~

換片時, 一打側身就想轉身, 係咪真係咁快??

食手, 一得閒就伸個拳頭入口度食, 食, 食,

吹水~ 心情好時真係會不停嘴咁 e e o o, 呀~啊呀, 呀~啊呀,

有時我同其他人傾計時, 在旁邊不停呀~ 呀~ 咕~ 咁搭訕, 口水寶一名~

玩手指, 開始知自己 d 手指係可以分開郁, 不停放係眼前望, 同佢篤篤手指就笑到格~ 格~ 聲, 以為係玩具手指, 哈哈~

特別喜歡我哋摸佢下扒, 百發百中, 必定笑到見牙唔見眼~

 

 

** 食家 **

食無定時, 一時食 5-10 分鐘, 食到成嘴都係, 食都食唔切, 仲頂 3-4 個鐘..... 

一時食完未夠半個鐘又食過, 食極都唔肯放嘴.....

不過就算係介咗夜奶啦, 晚上10點幾食飽飽, 之後就瞓到4, 5 點~ 食一陣就又翻瞓啦, 到早上7, 8 點才起身~

對我食嘅嘢好有興趣, 眼定定望到實一實, 唔知會唔會好似大寶咁, 奄尖但唔大食...

 

 

** 便便 **

好肯定係有足夠嘅 sh sh, 而便便就一日1-2次~

最喜歡就係除片去大大, 去得特別爽快,

已經介咗半夜開大, 食緊都唔開大啦, 安落哂~

不過 d 便便還是稀稀的...

 

 

** 強項 **

瞓係我心口, 最好就24小時貼在我身, 不論瞓緊亦或清醒.... 未到晚上都唔肯落床...

其次就係喊, 片片濕得滯, 喊!!   肚餓, 喊!!   眼瞓未瞓得著, 喊!!   想你抱, 未抱得切, 喊!!   悶得滯, 想人陪, 喊!!   哥哥嘈到佢, 喊!!  

以前都有 d 係假喊, e + ..... 次次o黎真, 比大大滴眼淚過你嘆....

想偷懶一陣都唔得.....

流口水, 瞓係我身上時, 最喜歡 o 住嘴嘴, 口角+多滴口水....

發開口夢, 有時格格笑, 有時呀~呀叫, 有時郁身郁世,

雖然一日咩到黑, 但睇住佢呢 d 古怪嘢, 真係比好多娛樂我~

 

 

 

3個月...o黎科...

話咁快, 細寶就快3個月啦,

近排都唔知佢搞咩....

一時就食5分鐘, 頂3, 4個鐘..... 瞓到淋一淋, 係日頭添....

一時就半個鐘食完瞓一陣, 就又醒又想食.....

整到我一時就谷到石頭,

一時就好似食極都唔夠....

到低.... 我夠唔夠佢食,

好疑惑... 無信心...

係猛長期?? 亦或是厭奶期??

 

要行回大寶條舊路, 唔睇時間, 佢想食就比??

亦或.... 學其他人講, 未夠3個鐘...點都唔比佢食好呢, 要睇時間表,

記得之前有媽咪講過, " 由0歲開始" 呢本書, 入面講父母引導式的餵食模式(Parent-Directed Feeding, 簡稱PDF). 對小朋友同大人都有好處,

bb 有得依時依候食同瞓係最有益...

雖然我睇哂本書, 但實行起來, 我嘅環境又唔多許可.....

因我要帶佢返工, 不能比佢最有安全感的床,

晚上又唔可以自己一間房...

因我知, bb 瞓開邊度就最安心, 

現時細寶每晚都可以由晚上11點瞓到5點, 食一次奶就可以自己瞓返, 直到第日嘅8,9 點, 佢個時間做到咁, 我都已好心足..

咁日頭我仲好唔好強制跟隨好呢.... 15/16中.....

 

而呢倆3日, 在傍晚5,6點時仲喊得好淒涼添...

係咪腹絞痛呢...

食又唔食, 瞓又唔瞓...

好煩.. 好煩... 好煩.....

 

曳人在家

假日無冷街, 留係屋企做呀四..

無聊無嘢做, 最好就係影相~

呢張相本來好好, 頭貼頭,

點知大寶細力得滯, 撞到細寶喊到拆天!!!

口水佬細寶, 一得閒就 e e 鵝鵝,

最近仲開始不停留口水, 發牙癢, 唔通咁快" 牛 牙" ???? 

問大寶最近係屋企玩d咩多, 佢扮可憐咁答我... 自己玩, 無人陪...

咁我就講, 咁下年快 d 返學啦, 好無?

佢好大聲答我 " 我返工得o架啦!! "

吓???? 你咩都唔識, 點返工??

佢就答我 "我識賣pizza呀~ "

跟手就拿咗幾本書當pizza咁賣啦.. 咁都得??

細寶個表情好趣怪~

就來3個月嘅細寶, 係一個硬頸人,

係月頭時已經打直抱啦, 點都唔肯比我打橫....

沖涼洗背背時又不停抬高個頭,

日子有工, e + 個頭抬得幾好~

自唔曳得緊要, 無面見我啦~ 哈哈哈哈~

失控

一直都好想去小 b 囡屋企玩, 終於早幾日去咗搗亂啦,

大寶去到, 玩做失控, 不停又跳又叫又跑...

仲毫不客氣咁走咗上人哋張床度,  

 

一直都知大寶偏細粒... 但估唔到拍埋小 b 囡同細佬仔度係咁大分別....

好話唔好聽, 大寶... 細佬仔都重磅過你, 你到底有無長肉???

 

 

 

 

 

咪睇小 b 囡係囡仔就會詩詩文文, 原來玩起上來,

一 d 都唔輸蝕比大寶, 摩打腳咁互片~

又打摔角, 論身形, 大寶係輸哂, 但以牛力取勝... 估佢唔到...

 

 

睇睇吓, 倆隻馬騮又笑得幾襯喎~

倆個都有個酒粒仔,

呵呵~ 唔知第日夾唔夾到呢??

野蠻奶奶想有個好新抱, 係咪自己舖路好d呢??

 

 

玩玩吓講起, 先知道原來佢哋係未識單腳跳o架,

係返咗學才會教, 貪得意叫大寶跟跳,

一扑一轆咁... 又比大寶學識咗,

呢d曳嘢就3倆吓學識, 日日教佢 abc 又唔理我...

到正式返學就知死啦....

 

 

聖誕禮物 ( 2 )

臨近聖誕, 早早就諗定送圖書比大寶做禮物,

估唔到一個星期咁快就收到,

第一次試係 amazon.cn 訂書, 都幾好,

而運費又唔係貴喎, 係逐次計$24, 唔係計磅數,

真係車費都唔止啦~ 

對我呢d無時間周圍去搵書嘅c9, 確係唔錯嘅選擇 !!

 

食家

早上, 奄尖食家一直叫話要食椰汁~

咁我問佢 " 今日食意粉喎, 點加呀?? "

佢答我 " 就咁加得o架啦~ "

好~ 睇吓你個椰汁縲絲粉好唔好味!!

怪就怪d..... 但又食得幾滿足~

我愛拉叔~

每次返爺爺嫲嫲屋企, 大寶最期待見到嘅人就係拉叔,

雖然平日好少見, 但每次見親都係..... 有得食, 有得玩,

所以一見到佢步出房門, 就好期待拉叔主動同佢傾計,

係拉叔主動而唔係大寶主動, 唔知點解, 次次都怕怕羞羞, 又想見又怕見, 呢個時期嘅人仔都係咁, 口不對心~

望穿秋水, 終於都見到拉叔, 再要鼓起勇氣開聲問佢得唔得閒, 

問 " 拉叔, 我開樣玩具比你玩啦~ "

吓~ 明明係你想玩, 講到好似你陪拉叔咁, 掉轉哂~