2015年2月19日, 星期四, 年初一, 香港熱....韓國凍....
**
第一次嘗試零晨機的大細寶, 食過團年飯就坐 A 31 機場巴出發了~
今次亦都是第一次坐巴士到機場, 以前是坐機場快線的,
雖然機場快線近年每年新春都做小童免費,
但我倆大人由青衣到機場都要 $ 60 x 2 = $ 120, 比在葵芳坐巴士還貴一倍,
其實時間都是差不多呢~
整個機場都是新年佈置, 加上我們又早了到, 食多次麥記都仲有漫長的時間.......
所以未入禁區前就周圍影, 周圍八,
等到花兒也謝了.... 2寶都傻了.....
終於都有得上機了, 呢個 2月19日的零晨1時真的好漫...........長...............
等得咁上下, 我呢 D 老 C9又回想到十年前的事~
我在不知有了大寶的情況下都坐過一次零晨機去關島,
我當時隨時隨地都會瞓著, 當時都奇怪, 我去旅行係可以唔瞓都得, 點會捱唔到??
仲玩了跳傘和潛水~ 所以再次坐零晨機就勾起我好多回憶啦~~
仲玩了跳傘和潛水~ 所以再次坐零晨機就勾起我好多回憶啦~~
話咁快3個多鐘的機程就到了首爾~
***
當地時間是 6 時了~
立即去找那個 9C 的售票處, 但我在大樓內望出去的 9C是拉哂閘的,
心想咁奇怪, 唔係 7:30 有車的嗎?
6點都未開咩??? 那就在大樓內周圍睇下仲有邊度係賣巴士飛啦....
就在4號出口位見到好多疑似滑雪人士的在排大樓內的櫃位買巴士飛,
唔理咩都好都排埋一份, 正當我問職員到 Alpersia 的車是在那買時,
前面的韓國人就用國語來幫我溝通了, 原來職員想賣要轉車的飛給我!!!!
oh !!!!!! 咁大誤會呀 !!!!!!
立即講要直通車到雪場呀~ 那好人就告訴我要到 9C 上車, 呢個櫃位賣的多是轉車飛,
我都知 9C 上車, 但拉哂閘喎....
點知係我白痴,
拉閘的是背面, 在上車時才望多一次, 正面向巴士的是有售票的,
我真係超烏龍又懶, 應該自己去確認一下.......
好彩得到當地人幫手~ 如果唔係都唔知坐了咩車, 真係一個好開始呀~
之前上網睇討論區, 好多人都怕初一買不到 7:30 去 Alpersia 的飛,
膽生毛的我一於無有怕, 去到才買,
好彩真係比我買到最後 4 個位的飛, 十萬個好彩~~~
大人 29,000 won x 2 , 小童 14,500 won x 2,
想把安排做足的人可先在此旅行社訂巴士飛 ** Grace Travel **
**
完成第一任務買車票後就要去第二任務, 在有銀聯標誌的提款機提錢,
眼見找換店旁都有好多呢d提款機, 立即試下~
想在韓國用香港銀聯提款, 先要打去自己所屬銀行申請海外提款,
簡單交代自己去的韓國, 日期和每日提款的上限就可以了~
每次都會收手續費, 所以最好一天提盡個限額,
請記住, 此方法係要自己戶口一定要有足夠金額,
不是透支, 透支要再加附加費,
我們在第一個提款機提唔到錢都誤會自己張卡唔得,
再轉試另一機時又唔得, 忍唔住就問旁邊找換店的人,
她說太多人提了, 100萬won的額已用完, 要降一級, 50萬won啦~
都好, 因我之前已托人去韓國時在明洞幫我換了126萬won了~ ( 對140呀!!)
之後在雪場再提了一次70萬won~ 咁所有費用都在手了~
坐得長途車, 當然要去定洗手間~ 當地的衛生設計都不錯~
巴士有寫明到 " Alpersia " 和 " Yong Pyon 龍平 " 2個滑雪場, 所以唔會上錯車~
一上車, 我們就立即瞓.......... 呢 3 個半鐘真的有救回一命的感覺~
首先坐位比飛機闊, 又無飛機的嘈, 叉足電的我們一到達就生猛哂~~~
11點半到就到了~
坐到 7:30 呢班車的時間真係好駛好多,
加上又可以提早取房, 真係開心到不得了~
雪呀~~~ 雪呀~~~~ 無見一年的雪呀!!!!!!
失控的2寶已瞓哂落地轆餐飽~~
今次選韓國真係無錯, 2位曳人真係好喜歡玩雪~
因我 join 了州際會, 立即有房,
但在我去 check in 時, 2寶已玩到醒哂, 想留佢地在房休息都無需要啦,
所以加哂衫後就立即去玩了~
咩活動都未做, 未玩, 2寶已自我抗奮中~
在雪地仲見到野生兔仔,
估佢唔到又好乖, 比 d 乾草佢食仲定一定, 任影唔嬲~~
由州際行去 ski house 都係3分鐘到, 好近~~
雪場內好多食店, 我們每日都試不同的食店, 雖然雪道和雪場都是細細的,
但對我們呢 d 初哥來說已足夠練習,
**
今日話哂都通宵完又坐了 7, 8 小時的交通,
滑雪就留待明天吧~
先去食個午餐吧, 韓牛~~ 我們來啦 !!!
沒有留言:
張貼留言