楊楊飛馳~ 走轉吐露港~

2015年2月1日, 星期日, 涼浸浸~

早上9點, 準時來到沙田的林大輝中學, 就是為了大寶的劍擊比賽,

雖然是參與性質, 但都全家出動為他打打氣~

就在初賽的小巡環小勝一場咁多咋......

不過都有進步了, 相比上次劍校自己的比賽, 心態有進步了,

只是, 別人是一星期練3日, 大細寶只是一日, 真是天與地比......

**

見早早就走得, 所以就去了單車遊~~

倆位都好快, 追到我無氣, 好彩仲有爸爸頂得住, 陪到他們~

原來假日的科學園都好熱鬧, 有好多家庭來玩,

而食店都開得好足, 除了單車徑旁的望海高級食店, 

在內都有平民飯堂, 平平地食個午餐就又再出發, 出腳力啦~~

大埔海濱公園內的花開得好靚~ 

自由行, 工人都濟滿全公園呀, 

只是.... 今天無風, 所以無咩人放風爭了~~

**

每次回程時都見到呢個大王爺廟, 

見今日時間尚早, 就入去請請, 希望我家倆曳人都快快乖乖, 不要做坐唔定的馬騮仔啦~~

**

一心諗住大寶在星期六係會做哂功課的, 

點知!!!!!

回家才說未做哂, 我和爸爸即時著哂!!!!!!!

對大寶狂鬧, 但回心一想, 都係自己心軟, 

明天他無自制能力, 就唔好相信他說做好功課而去踏單車,

因此.... 大寶已成無信用之人, 好嬲呀!!!!!!!

亦因此, 又同細寶上一課, 細膽的細寶即時賣口乖, 說自己會好好做功課不用我勞氣,

唉...... 新一年, 因希望大寶早日想通,