2014年の雪樂無窮北海道DAY 4。2 @ 旭山動物園

 

2014年 2月2日, 星期日, 初三, 晴天

 

**

 

不知是不是星期日關係, 在巴士站上都要等上10-20分鐘,

好在加派了幾架巴士來接載我們呢~

 

等了4架車到, 我們就有車出發去動物園了~

20分鐘後來到呢個出哂名的動物園,

 

入口已無咩人了, 時間都已是11點多了, 我見早上的企鵝巡遊已開始,

所以一心諗住睇下午2點場的,

 

 

點知行行下, 園內的工作人園叫停我們, 原來.........

由正門直行上梯級, 就正正是企鵝巡遊的完結入口位置~( 西門儲物處前的梯級)

加上, 企鵝們實在行得太mi mo,

我們緊緊線趕到企鵝們回程返屋企的尾段~~~

 

 

超級卡娃兒呢~~~

大大細細的左右搖擺,

 

果然在冬日睇會好氣氛好多呢,

如果有飄雪會更正呀 !!!!!

 

 

呢隻D毛特別唔同, 不知是不是最大年齡呢??

頸上有一個毛毛圈的, 好得意~~

 

 

慢吞吞的係我們面前行了 7, 8 分鐘,

所以早上11點的巡遊係必定睇到的,  因我們係最遲巴士到達的,

時間上會好用好多,

 

 

睇完企鵝就去旁邊的海獅館,

呢度就真係超多人~

呢個出哂名的左穿右插水管位, 2位曳人睇得好開心~

 

 

剛巧係餵食時間, 見佢由個冰洞伸頭係食魚都好得意呀,

不過又係超多人呢~~

 

 

園內的水機都畫滿動物圖畫,

 

 

 

 

 

終於來到北極熊館,

雖然他很可愛~~

 

但當我企了10分鐘來睇佢時, 我個心突然好傷感...

因為佢係不停在小小的空間中來來回回.....

動作是重覆又重覆,

 

與我在澳門見到的動物是一樣, 長期困在一個位置中,

又點會幸福快樂呢......

其實我心中幾抗拒動物園和馬戲團, 風光背後的血汗真係不敢想像....

 

 

其實旭山咁大, 點解動物園唔整大D呢??

動物們得個小小位置,

 

相比新加坡動物園半開放式, 牠們會唔會開心小小呢??

 

 雪白的貓頭鷹, 可愛到不得了呀 !!

 

 

今次得7日時間, 下次真係好想去丹頂鶴生活的道東區,

釧路的濕原號, 好想去呀~~~ 

 

 

傻傻的細寶和呆呆的貓頭鷹又幾襯呀~~

 

 

 

動物園其實真係唔大, 慢慢行都只需3個鐘就行完啦~

大多數人都會坐回動物園號回去的,

但因我買錯飛, 所以我都想在呢度行耐D,

所以就選了在動物園旁邊的雪の村行一行~

 

我們由正門一路行上山, 直出東門就可以去到雪の村,

午餐時, 我們來到東門的餐廳,

我十分之唔建議大家在呢度開餐, 因為主要是旅行團的飯堂,

加上食物好一般, 又貴,

如果好似我們咁一心諗住去雪の村,

那就直接在雪の村食午飯啦, 平很多呢~~

 

 

 

 

離開動物園前記得要買記念品呀~
在出口處有一間小扭蛋店, 有好多有關動物園的扭蛋玩具仔,
在其他地方係無架~