2014年5月10, 星期六, 晴雨~~
見爸爸生日, 而母親節又是同一天, 加上細寶到期換証件,
就一家大細去澳門行一轉,
講起澳門, d酒店真係貴到嚇死人!!!!!!!!!!!
所以今次我投靠了我呀姨的新公屋,
點知內裡百無..... 所有第2天就去滾攪我老友的家.
好在有人投靠, 如果要住酒店都不知是咩價錢了.......
**
在5月11日的早上, 立即出發去玩了,
先到石排灣睇熊貓, 呢隻只需要10元就可以好近距離咁睇到"" 開開 "" & "" 心心 ""
仲要係無人~~~~~~~
** 熊貓館 ** 石排灣郊野公園 **
一個好細的公園仔, 所以只需一個鐘都行得哂~
呢度除了熊貓之外仲有鴕鳥, 植物館, 自然館, 唔係好特別,
勝在無咩自由行同旅行團, 亦都有可能是落雨和太早未有人,
自由行來的話, 一係坐的士, 一係坐巴士,
但在現今的澳門坐的士係好困難好睇彩數,
坐巴士就最可靠, 由氹仔碼頭有25, 26, 26A,
在石排灣郊野公園旁有個媽祖文化村, 內裡好大,
可惜天氣唔多好, 所以我立即轉去另一景點活動, 要放棄到此文化村參觀~
** 澳門媽祖文化村 **
早上的開開心心正在食早餐, 所以睇佢地食得好開心,
不過..........
在7月時開開就死了.... 好失落呢....
**
第2個景點活動是到大潭山滑草,
好好彩有的士由石排灣去大潭山, 只是$50左右~
呢個免費的人做草地, 好好玩,
斜度適中, 一旁的梯級唔難行, 乾淨, 風景靚,
因為係好開陽的睇到機場, 無高樓大廈, 好舒服,
場內仲有叔叔幫手提點要愛惜用具,
最重要的是, 無旅行團, 無大陸自由行, 所以玩得好舒服,
難得的是, 本是天陰陰無太陽的, 點知到中午時就陽光普照, 正!!!!
而澳門除了呢個人做滑草場, 還有一個真草,
在路環黑沙, 不過交通唔多方便, 不過亦都好近澳門出名的葡國菜山度士餐廳,
**
玩完滑草, 到走時就發覺無車嘅?????
巴士站又唔見.... 的士又唔見......
只有行啦.....
慢慢地行...........
行到見會展中心旁的酒店, 一心諗住去金皇冠酒店坐接駁車, 點知係無!!!!
原來唔係所有酒店都有免費接駁車o架??
唯有穿過酒店再到機場大樓, 再去外面坐其他酒店的接駁車, 真係好曲折......
好彩老友帆叔下午得閒到導遊司機, 車我又去食飯又去科學館, 好感動呀!!!!
科學館係每次必遊之地, 因為真係玩到3個鐘o架~~
用澳門身分證入場又平咗小小...
內裡咁啱有個小劇場介紹科學家牛頓, 幾生鬼~~
而呢度原來有接駁車到碼頭, 澳門政府終於都知無的士對遊客幾咁不便....
大寶已超齡無得入去砌建築物, 只有細寶玩~
身高130cm以上, 8歲以上就無得玩啦~
晚上去了銀河的群芳食buffer, 比平時貴了一培, 不過只係一般好味,
老友講下次要去試MGM, 會好味好多~
**
爸爸食完BUFFER之後就回港了,
剩下我們去換証及上珠海探親~~
GO~ GO~ GO~~~
舅公的大宅好大, 好舒服, 而太婆都好精神~ 感恩呀!!!!
而酒樓D食物都好好味, 比澳門平好多呀, 明白點解咁多澳門人上來消費了,
拱北比深圳空氣好, 人唔太多, 但都好貼近澳門, 唔錯~~
玩足2天, 大細寶心滿意足的回家了~~
希望快快儲多D錢再去澳門又玩又食又探親啦~~
沒有留言:
張貼留言