2013年之走馬看星蛇王團DAY 5 @ 新山 Legoland

2013年2月14日, 星期四, 年初五, 雨+ 暴雨

來到假期的尾聲了, 亦都是今次假期終極目的地~~~~ LEGOLAND ~~~~
早早9點就到Flyer 的WTS坐coach出發了~~
不消一個鐘就到關口了~ 倆地海關都人丁單薄, 不過就以閃速來完成整車人的過關手續, 快!! 靚!!! 正 !!!!
倆地只有1橋之隔, 所以10分鐘就完成過關了~~~

不過呢架車就會先到hello kitty land的室內遊樂場, 好似有得做廚師玩烹飪班的, 詳情不知~~ 有興趣的人可以先玩呢度~~
但我倆個曳人係唔會玩的~ 所以轉了個大運後才來到legoland,
時間已是11點了~~ 而個天今日仲要係陰陰沉沉..........

之前在網上睇資料時, 有網友介紹先買' 家樂氏kellogg's " 的栗米片, 用盒就可以買大人票送小童票,
而用toyrus 會員卡又可以有7折, 所以我都準備了呢倆樣方法~~rm140 + 98=rm 238~~
正當我想付款時, 突然有位香港伯伯叫停我, 仲給了我1份e-mail,
原來他們有人臨時來唔到, 所以送了2張大人入場劵給我~~
oh~~~~~ 情人節送了份驚喜給我~~ 連忙多謝再多謝的~~~ ^^
係多謝聲中就忘了用toyrus的7折買埋大寶的票就入場了~ 無所謂了, 以1小童價就4人玩一日啦~~







一入埸內就興奮到周圍跳的2寶, 就連廁所都好奇一番~
呢度所有裝飾都色彩艷麗~ 睇得人心花露放~~

但同時個天就開始落下毛毛雨了~

第 1 個區域~~ lego @ city

第一個玩的遊戲就係小駕駛員, 細寶是bb組, 只是單單的在轉圈再轉圈, 正當細寶玩得投入之際,
突然覺得有多人在望住我.......... 旁邊, 因我和爸爸分頭行事, 我陪細寶, 爸爸陪大寶在隔離的大童組揸車中,
8掛的我就周圍望了.... 眼看有位好高的黑超靚媽在我旁邊, 仲有個工人帶住佢個仔仔在細寶的bb組內同架車仔搏鬥中,
原來係小朋友唔識揸車, 咁靚媽就叫工人幫手, 但個工人又幫唔到手, 小朋友好無助咁望住靚媽,
突然......... 黑超靚型爸都出現了, 倆人齊心又氹又叫的都不成功, 我望極都唔多知佢係那位........
點知爸爸從後走到我身旁, 小聲講"" 李克勤, 盧淑儀!! ""
哦~~~~~~~~~ 遲鈍的我終於都知點解咁多人望我......... 旁邊了~ 哈哈哈哈~
因場內都頗多港人呀!!!



可能時間尚早同bb組的車仔都好龜速, 所以無咩人玩, 細寶就玩了2次了~~紅色和黃色車仔都揸了~~

其實場內都有遊戲要排隊的, 不過細心地有個中間位比小朋友玩下lego打發時間, 只係大人就要乖乖企定定.... 

揸完車就轉去揸船仔~
係呢個時候太陽伯伯好好人地出來陪我玩了一陣~

旁邊有架火車係場中間行駛~ 可惜太多人排隊, 所以就放棄了,
轉去了消防局做消防員救火~~
係4架車鬥快去救火, 呢個好考體力呀,
一定要大人幫手架車才快速向前行駛, 如果慢得滯, 咁射水時間就會減少, 小朋友就會失望啦~~~ 哈哈!!
而我掛住拍片都無幫手, 所以爸爸為了倆曳人就出盡九牛二虎之力, 單人推郁架車啦, 辛苦哂~~~






中午留在園區內食了個簡單午餐, Market Restaurant 個裝飾幾可愛的~
食物當時無得要求好好食啦,  叫頂下肚餓,
如果有充足時間, 係可以去場外食的~~

第 2 個區域~~ Land of Adventure

食完個午餐無一陣, 個天就開始落大雨了........
唯有玩下室內射槍啦, 同迪士尼的巴斯光年十分相似~~

玩完想過對面坐船仔激流, 點知大雨到要暫停......
唉, 又要躲回有瓦的地方.....
先到一個小屋仔玩射波, 與香港的收費室內遊樂場相似, 一玩就半個鐘了,

雨........ 似倒水咁!!!!!!!!!
無計了, 再去下一個區域






第 3 個區域 ~~ Imagination

好好彩, 呢度有個大大大帳幕, 又可以玩一陣~~
見雨細小小就又出去玩了個拉繩索上上落落的跳樓機, 不過快慢高低都要靠自己d手力啦~

玩完又睇了個 4d 的小電影, 感覺上都係 uss 的變形金剛正好多, 呢個5歲以上就無咩吸引力了~~
因細寶大大聲講, 小兒科喎, 得戚啦!!!!!

呢度有個室內砌 lego 中心, 有多樣配件在場內, 好多小朋友都主力砌車同飛機,
因為車轆係要配給的~ 要先登記排隊, 有人唔玩交還時就通知你,
一開始時我都傻傻地等的......
但我眼見多位家長手拿多個車轆, 所以我無登記就問下人先, 好彩都有人肯交出2, 3個車轆,
可惜車係要2架, 4排車轆的.... 尚久一個, 又再尋竇~~~
好彩搵了一陣就集齊了~~
落雨天下的活動又開工了~ 努力砌砌砌!!!!!
砌好之後, 仲有條小賽道比D小工程師比賽切磋呢~~










見個雨收了小小, 先食個下午茶先~ 包裝精美的炸薯條和熱狗餐, 比海洋公園平很多呀~~





第 4 個區域 ~~ Lego @ Kingdoms

呢度有2個過山車, 一個係大仔玩的, 一個係細仔玩的..... 本以為大寶會有興趣玩的, 因同uss的飛龍好相似,
點知佢一d都無興趣, 整到我都無得玩........可惜~

反之....... bb組的小火車氹氹轉就玩了3次,
就連旁邊的bb組小騎士馬仔都玩了2次.......吹脹!!!!!!!!

第 5 個區域 ~~ Miniland
是園區的中心地帶, 是用 lego 砌的世界景點~ 影相位多的是~~~









第 6 個區域 ~~ Lego @ Technic

雨..... 終於都停了,
但....... 我們都快要走了, 點解? 點解? ? 點解? ? ? 係快走時才好天??????????????

所以呢個轉轉噴射船又玩了3次~
第一次就由我們陪住玩, 跟住問下工作人員, 大寶自己玩得唔得~
估唔到連細寶都可以自己玩, 咁就梗係比佢試下啦~~
外面做睇的人仲可以向內射水添, 哈哈~~~
玩完呢個就完結今次的legoland之旅啦~~








本來大寶好有興趣的過山車係呢架..... 但因天雨維修暫停了,
今次與過山車真的無緣呀~
唯有叫倆曳人來演繹下好興奮時的表情啦~ good take !!!!








在走時.... 一心諗住今次能全身而退, 不用玩攤位遊戲.
點知又比大寶眼仔一"苗", 比佢發現了有變色龍公仔!!!!!!
就係咁..... 2條小變色龍就是今次紀念品了~





回去的時候到了~~~
講真, 如果今天是好天的話~ 一定一定一定開心十倍和可以玩哂所有遊戲,
但如爸爸所講, 2寶一樣開心, 一樣無多多怨言, 只是我有d唔甘心啫......
2月份的馬來西亞真的好多雨水,
d工作人員和當地人都不當一回事, 任由身濕透, 任由他自然干, 當地人真的無風濕嗎???
雨後有d風時我仲覺得有涼意, 似秋天呢~








又再回到flyer地下的路邊攤食晚飯了~
因為都好餓下, 所以食物都覺得特別美味呀~~~~~




http://www.legoland.com.my/en/About/LEGOLAND-Malaysia/