2013年之走馬看星蛇王團DAY 4 @ Gardens by the bay + 牛車水+ 小印度

 

2013年 2月13日, 星期三, 年初四, 晴 + 大雨

無咩目的地的一天, 先到singapore flyer 下的WTS買車票, 預備明天去LEGOLAND~~
雖然去了多次flyer, 但真係一d想坐的意欲都無,

眼見行過對面就係Gardens by the bay, 就hea 住行過去,
點知又中招, 以為好近, 但行極都未到, 仲要中途飄出一大舊黑雲, 來個狂風暴雨, 走都走唔切,

等了又等, 終於落了半個鐘就放晴了......
講真, 呢度似一個大公園和大花園~~~ 好空曠!!!!!

主打是室內的花園, 但3位少爺們都係無興趣..... 真係吹脹,
你估日日都去玩變形金剛咩???? 咁多機動遊戲過你玩!!!!!!

周圍的展品都幾得意, 可以影下相, 但我想晚上會吸引好多, 因d樹會著燈,

 

 

中午轉場去了牛車水~
本來去芳林大夏食午飯的, 但行了一個轉都無咩吸引, 就到街上食了個普通的海南雞飯,
雖然無旅遊書介紹的出名, 但我覺得都好好味,

周圍閒逛了牛車水的地標~~與澳門好相似呢~~~

出名多限制的新加坡, 終於都見識了一次路牌, 其實香港都學得7788了, 咩都要管, 咩都要理,
周圍仲有無數的手機判官, 唉..... 有時我在街想大聲鬧仔都唔敢呢,
怕比人影落再溪落我是怪獸家長, 一D EQ都唔識.....

佛牙寺看上去很裝嚴, 又地度, 多種族的新加坡真的咩文化都包容到,
當地人都好親切, 我多次嘗試在巴士站想坐巴士, 但都唔係好識方向, 而總會有人主動上前幫我,
雖然巴士多數都坐唔成, 因當地人多提議去坐TAXI, 又方便又平咁話~~~

而坐地鐵時又會主動同2曳人搭下訕, 係會轉廣東話來同你傾計的~~
又會介紹你去D咩地方, 食D咩, 感到濃濃的人情味

有時D的士司機仲會主動叫我去其他地點影相添, 好似在小印度咁, 我想話出名的廟影相, 但咁啱有裝修,
司機即刻車我去了別的印度廟去參觀, 雖然都係細細的, 但感覺好寧靜, 又唔多遊人~
當係見識見識都唔錯~~








行了一整日, 晚上去了網上多人介紹的 BUFFET TOWN 食晚飯,

食物種類真係多多多多多,
魚生都新鮮, 但生豪一般, 因有殼碎和好咸,
而當地人在新年必食的冷盤 " 撈魚生" 之前在周圍都見到有人食, 但價錢真的好貴,
今晚終於有得一試了, 食完希望大家都撈起撈起, 生生猛猛!!!!!!!!

而其他的串燒都好吸引~ 我食了多回^^
而呢度之所以咁受港人歡迎, 係因小童6歲以下免費, 同時又有一個電視區給小童玩,
基本上2位曳人食了頭一轉食物後就長駐在電視遊戲區,
只在最後食了多回雪糕就無食任何食物了,
所以6歲以下唔收費係應該的, 哈哈哈~~~









http://www.buffettown.com.sg/index.html