有時, 動聽嘅說話講得多就會變得煩人同假....
講緊嘅係大寶口頭蟬.....
本來呢句 " baba 我唔捨得你走呀..... " + " 我好掛住你呀.... "
每日聽一次倆次會好窩心, 會緊緊咁抱住佢~
但.....
一日十幾2次就會變得煩.... 變得唔真,
由於我成日都同大寶講, 如果你覺得掛住我哋, 就一見我哋就講啦, 一定要講出心裡嘅感受比我哋知,
點知...
佢就不停講, baba抱住又講, 食緊飯又講, 瞓前, 醒後又講, 去個廁所行開一陣都講...
如是者咁不停重覆又重覆....
大寶呀! 你到底係唔係真係咁時時刻刻想住我哋o架??
呢句口頭蟬已經起唔到作用啦.....
有d煩, 同覺得你詐嬌款呀....
來到生日月活動最後一擊~
生日會 
好慶幸係 bk 度識了一班好媽咪~
今次約咗幾位一齊玩, 真係開心~
一路睇住班細路由各有各玩, 到 e + 會記得對方,
時有提起想起邊位, 邊位,
就知, 有班朋友仔一齊成長, 係時時都咁開心~
今次仲見到小玲玲添~
估唔到平時睇相細細粒, 但原來都好有睇頭,
反之個細寶影相就肥嘟嘟, 但真人就反細人一個碼.....
2寶都係似我, 唔長肉...... 係未生之前, 哈哈~
但家下我就超吸收, 只肥我,
佢倆隻曳人就唔見肉... 啊!!!! 點解呀????
呀四嘅手作仔唔多成功......
大家都睇唔明我第一個字寫咩.....
失敗...
一心想買個大大 thomas 蛋糕, 但大寶偏偏就要求要呢款,
因為大寶睇到細寶件衫個圖案係摩天輪,
佢話好靚~ 好想同細寶一樣...
其實件衫咪佢嘅舊衫.... 只係你著過都唔知啫~
個個都掙住吹蠟燭, 鬥快....
大寶呆吓, 呆吓咁.... 只係掛住唱生日歌同流口水....
加上又唔多夠氣.. 依我睇係由謙謙得手吹息嘅,
唔知有無睇錯呢~
好耐都無試過約埋成位媽咪同小朋友一齊見面啦~
希望日後有機會都聚多d啦~
呵呵~ 桐桐今日好偉大, 送了一個香吻比大寶~
跟住去到遊戲室, 倆人竟然並肩一起~
o~~~ 係唔係一吻定情呢?? 哈哈~~~
不過我覺得好似拍廣告咁, 好得意~
好難得成個遊戲室都無咩人, 包場咁玩真係正~
自製路軌~
破壞王~
今次生日會, 我為每位小朋友都準備咗份小禮物當回禮,
一心諗住分男女, 好等各有所好~
點知自己又白痴到唔記得做記號分男女....
就係咁....
男嘅就得到可愛 Hello kitty 同 twins star 嘅8達通袋同貼紙~
女嘅就得到工程車&警車同埋 thomas 貼紙....
睇o黎我生完倆件之後, 個失憶症變本加厲....
今次令到大家得到意料之外嘅禮物,
真係唔好意思~ 
得物無所用時, 可以退回比我o架~ 哈哈~
最後~ 多謝大家到來為大寶慶祝生日,
嘻嘻哈哈咁就玩咗半日~ 多謝哂~
大寶一返到屋企已急不及待拆哂所有禮物啦~
貪心嘅大寶, 全部都話好喜歡~
想話叫佢分一份比細寶都唔肯...
3月27日, 星期五 
今日係大寶3歲生日啦~
