食唔停的假日

今日係我生完之後, 第一次出外玩,

所以一家大細都好興奮同緊張.....

 

大寶就極度興奮, 未出門就已不停講今日去玩d咩, 放風箏, 踢波, 去睇動物, 冒險樂園, sir 滑梯, 全部都係佢心內想玩想去嘅地方,

 

baba 就緊張要帶d咩鏡頭去影靚相...

 

而我就緊張2寶嘅衫褲鞋襪, 細寶幾時要食一餐, 大寶幾時要瞓晏覺.. 呢d婆媽嘢..  

 

好啦, 出發!!!

 

今日只敢去尖東玩啫, 貪係海港城內有間餵奶房, 哈哈~

可惜, 去到舊日嘅客戶服務中心, 已經改頭換面變為其他舖頭..

唉... 係香港出街想餵得安心同舒服, 真係無咩地方有...

唯有急急腳飛奔回反斗城嘅育嬰窒, 好彩無餓親細寶咋,

都唔明, 海港城地下咁多小朋友嘅地方, 都唔開多d育嬰室??

 

 

今日, 大寶突然愛上自己食, 仲要係不停咁食唔同嘅嘢,

我終於都等到呢一日啦~ 太開心, 太感動啦~

 

 

第1站, 係屋企自己食咗一寵燒賣 + 1樽奶^^

 

第2站, 自己食多士同蛋~ 豐富的午餐,

 

 

睇吓佢食得幾肉緊, 出盡九牛二虎之力!! 都係件多士啫...

 

 

再大大啖食半熟蛋,

 

 

再博命吸水... 吸到氣都咳埋, 真係你做咩??

 

第3站, 壽司店

行經呢度, 見到一碟碟轉轉壽司, 初初係門口睇睇吓, 最後忍唔住衝咗入去, 無計, 又食多餐, 大寶見到蟹柳呀, 蛋呀, 三文魚子呀, 呢幾款最愛, 個嘴又要食又要講, 真係口不停...

 

第4站, 食雪糕

難得佢今日咁乖, 樣樣都自己食, 就獎你食雪糕啦~

 

睇吓佢個樣, 怕怕羞羞咁, 幾唔好意思呢~

仲食得好知味添~

 

呢張相, 我睇一次笑一次呀~

 

有得食雪糕, 個笑樣都得意d~

 

食食吓見到飛機又要手指指~

 

自由行大寶, 傻瓜留影~

 

自由行3傻留影~

細寶見到咁熱鬧, 誓死唔瞓車仔, 嘈都嘈到要我咩住周圍望~ 又一隻八卦豬!!

 

 

憂鬱小子!!

喂喂, 你得2歲幾扮咩憂鬱??

 

 

黃昏啦~

好倦, 好腰酸背痛, 但個個都唔願返屋企....

 

 

 

第5站, 食芝士火鍋

個個都食得好開心, 特別係大寶, 佢話係好好味芝士邊爐, 唔係火鍋, 我都唔明有咩分別?? 大家都掛住食, 無影相添~

經過一整日咁食... 睇來身上嘅肥膏都會陪我過冬, 無咁快走啦.....