超級小氣豬

唉......

好多人都講bb小氣, 真係無錯....

係幾個月前, 大寶晚上已唔肯著片片瞓覺, 咁我唯有等佢瞓冧咗才著啦, 點知佢好似知道咁.. 郁來郁去, 又轉身, 又夾腳, 著成半個鐘都唔成功,

好啦... 我投降.. 橫掂我都要餵夜奶, 辛苦d, 豆埋你去2次sh sh 啦, 係呢個零月都幾成功...

點知我一同baba講完, 大寶就係尋晚失手啦.... 早知就咩都唔講.... 衰多口!!!!!

攬完個大, 跟手又到個細...

不知是不是細寶開始跟我返工, 早出晚歸...

所以晚上都瞓得幾ok, 10點多11點食完奶, 會瞓到4點幾5點, 心想, 甩難啦... 有得連瞓4,5個鐘, 又係好衰唔衰同姐姐講, 尋晚又開始食番2點鐘個餐....

oh~ 天呀!!!!!!!!!!

點解同時都係尋晚呢, 我好眼瞓呀......

起身之後, 又成日比倆隻馬騮痴住...

要做好呢份工, 真係付出不少, 我隻熊貓眼, 我個肥大身軀....