落了成幾個星期雨之後，成班小朋友又可以在放學後去公園仔玩一陣啦，話咁快呢個”開心學堂”就要完結啦，大家都要各自上唔同既幼稚園，有ｄ唔捨得呢．．．
在幾個小朋友當中，大寶同謙謙同天熱係最老友既，今日大寶同謙謙在ｓｉｒ滑梯時就發生咗件硬頸事件．．．
謙謙好乖咁想ｓｉｒ落，但曳人寶就反方向向上爬，兩個相遇之時就各不相讓，仲你又出手我又出口不停爭啦．．．．結果都係不分高下，由媽咪出手分開佢地，睇到佢地咁，又令我諗，日後返學時爭玩具爭先後既情況，大寶會唔會都係咁堅持？咁硬頸？好擔心．．． 但老師都講過，要放手，要比機會佢地成長，咁．．．．我都要學習吓啦，哈哈～大寶成長既同時，我都要再成長啦～
謙爸睇完段片都覺得謙謙今次個反應好正確, 識不停講"唔該借借"之餘, 仲識用手推開對方去保護自己. 不過對住陌生人又可能係另一回事.
回覆刪除我都好有同感, 真係要放手比佢地自己解決. 大家一齊努力呀!