今次澳門之行最大收獲就係我地既胃~
差不多係食唔停口, 係咁食! 食! 食!!!!
睇吓大寶連點菜都咁投入就知幾大吸引啦~
一路行去大三巴時, 沿途大寶已食了很多杏仁餅, 牛肉乾 , 點知見到生果又忍唔住叫我買個蘋果比佢, 而昨晚經過街市時又無拿拿話想食香蕉, 食呢d又咁有胃口, 食正餐又唔見你咁起勁......
大寶食完就到我食啦, 滑滑豆腐花~
澳門既豆腐花係加花奶既, 所以特別香同滑, 正!!
個名好似叫 "李寶記" , 在新馬路同善堂轉入d小街既舖頭, 每次回來都要食番2碗先夠喉~ 今次大寶都爭住要食, 搶咗我半碗!!
食完無耐..... 大寶見到d生果杯又忍唔住叫我買啦~
好啦, 好啦, 我食唔到就由你代勞食埋我個份啦~
之後又到必食小食 "燒雞翼"
呢位呀叔並唔係經常開檔, 今次好彩食到啫~ 大寶毫不客氣, 話咁快就食了一串雞柳, 香腸同一隻雞翼, 仲勁過我!!!記得以前有檔煎紅豆餅既檔仔, 又係超好味~ 可惜已搵夠收山了, 還有三盞燈附近既魚湯粉, 炸大腸, 咖哩角~ 諗起都流口水...
來到澳門當然要食葡國菜啦,
今次就試吓呢間 "內港餐廳O PORTO INTERIOR" 在媽閣廟附近, 都幾正宗既~ 大寶食餐前既麵包食得幾知味~
頭盤有廚師沙律
葡汁焗磨姑雞飯
馬介丘炒什菜~ 極力推介, 好好味~
椒鹽盧魚~ 第2推介, 美味~
好滿足的一餐, 食得開心, 傾得暢快~
大寶由頭帶到落尾, 食足2日, 勁!!!!
澳門既美食, 我地下個月見啦~
喂喂,我見倒都好想食呀...
回覆刪除話時話..你靚左呀..大肚媽
[版主回覆05/28/2008 23:51:00]嘻嘻, 係咪流哂口水呢?? 靚靚大肚媽~
大寶真係開心呀!! 成日都可以四圍去....見到d野食..我都流晒口水呀!!
回覆刪除[版主回覆05/28/2008 23:52:00]我開始有番d胃口, 所以今次我同大寶都食得幾盡, 博命咁呀
原來澳門係妳既地頭!!
回覆刪除嘩...流晒口水啦, 尤其是果碟馬介也炒什菜, 真係好吸引^^
[版主回覆06/04/2008 09:30:00]e+唔算我地頭啦, 轉變得太快了, 無朋友帶住去食去玩既我, 就好似遊客......
真係呢...張張相都係食
回覆刪除[版主回覆06/04/2008 09:31:00]嘻嘻, 今次真係食足2日, 好滿足又開心
果然不停咁食, 食, 食喎!
回覆刪除[版主回覆06/04/2008 09:32:00]好彩有番胃口咋, 如果唔係就有得睇無得食啦
嘩! 果然食得開心!
回覆刪除