曳到出汁之行~馬灣公園

嘩~ 今日真係好熱!!

不過都無損我地去公園玩既心情,

近近地就去馬灣公園玩番半日,

早段時既大寶仲係乖乖的, 又肯自己行上山,

係全程都無叫過我地抱, 不斷默默地努力向上爬, 向上行.......

到達山頂既觀鳥台後.....  曳人就開始o黎料啦......

首先爬上山羊仔度大叫一番.....

大寶就係一直跟住呢班姐姐上山, 所以行得特別起勁,

而沿途姐姐都捉住大寶不停影相,

厚面皮既大寶竟然怕羞,哈哈~

到人地影相時又想影埋一份, 在旁邊攝來攝去, 好一個攝石人!!

 

估唔到一條木條都可以玩得咁開心, 又爬又行又抱.....

總之就係雙手不離~

玩到咁上下又做瑜珈, 拗腳向後!!

跟住又瞓在地上轉來轉去, 超曳+污糟豬.....

突然又表演高難度危險動作!!!!!!!!!!!!

抱頭在木邊扮轆落地...... (大家唔駛擔心, 佢係特登既,)

跟住雙手放開, 慢動作咁轉身瞓係地.....

跟住仲要抖大氣扮好辛苦咁, 你地話呀?? 係咪曳到出汁???

事出突然, 我都以為佢有咩事, 點知佢係專登既.....

我真係就o黎比佢激到

玩完轆地沙又走去玩雙槓, 曳人寶係呢度玩得仲開心過遊樂場!

 

 

到休息食小食時又偷食我既薯片, 得戚到呢.....

 

 

落山時候, 興奮心情依然未能平靜下來, 繼續爬高爬低....

在路邊又要耍吓功夫, 跳吓舞, 停一停, 抖一抖, 得唔得??

話口未完又去爬鐵絲網,

唉..... 今日你係咪食咗興奮劑?? 咁鍾意爬既??