熱熱鬧鬧海洋公園半日遊

首先要同ｂａｂａ講句”生日快樂”

今日是ｂａｂａ正日生日，

祝你身體健康！心想事成！

 

算死草既我又是同佢去海洋公園慶祝兼同大寶玩番日，

咁啱得咁橋，小Ｂ囡一家都係今日去ＯＰ，

一於齊齊去玩啦～

 

今日美其名是ｂａｂａ生日之行，但主角依然是大寶，

所以都係流連在兒童王國玩，

好熱呀～　

上次來玩時都仲未夠膽自己坐，今次自己坐得好開心呀，

仲同我地揮手添，不過個樣好似想喊咁既？？

哈哈，玩呢o架飛機仔時，又係口講”驚驚”

到一開始轉時又係玩到見牙唔見眼，口不對心！！

其實呢ｄ爬石遊戲都幾無聊，基本上係無一個小朋友會用雙手去爬既，

個個都走住上去，連臭豬都要學埋一份，

其實改改佢會唔會好ｄ呢？？

 

食完午餐後，大家就一齊玩啦，

似乎大寶都幾喜愛呢個遊戲飛機，同小ｂ囡又玩多一次～

兩個都唔知係度爭咩？？　不停搶住禁個制，

 

原本都有ｄ可惜，無去睇海豚表演，點知兒童王國呢邊有個海豚ｂｂ池，

係一ｄ海豚ｂｂ同媽咪一齊生活既地方，

呢度有十對母子咁多呀～　

其中有１條ｂｂ好頑皮，成日都頂一個杯上來水面，跟住又想自己都跳埋上來，但海豚媽咪立即頂開阻止佢，據指導員講解話，佢地就係要訓練ｂｂ跳上水面既鐵板上，原來個鐵板係磅來既，但媽咪既天性知道離開水就會死，所以一直都阻止ｂｂ，當ｂｂ再大ｄ時，就會好快跳到上來，到時媽咪點阻都阻唔到啦～

睇睇吓，我又想到大寶大個時，佢要去闖，去找自己天地時，我捨得放手未呢？

 

大寶靜雞雞偷了小ｂ囡個氣球來玩，仲當佢係奀豬咁拖住散步，好好笑～

 

下午茶時間～　齊齊食雞蛋，

兩個鬥快ｍｏｋ蛋殼，又鬥快食，係咪一有得爭，ｄ野就特別好食？？

 

ｈｅａ完ｔｅａ又去睇海獅，嘩～好大隻！！

玩到咁上下，小ｂ囡坐埋一邊休息時，突然擺出一ｄ好得意既ｐｏｓｔ～

又Ｑ手，又側面，仲托面，ｐｏｓｔ多多，相比大寶．．

平日想影張大寶靚靚相都難呀，話口未完又來攪破壞啦！！

好開心既一日，小朋友有伴一齊玩真係開心，