無聊發言

請先原諒我既發言，以下都是我既一些感覺，不是要大家討論，只是個人言論既發洩，不想看可以不理o架~

 

近日，淫照風波攪到滿城風雨，大眾關心呢個新聞多於大陸雪災，

大眾都說眾女星低死，白痴，黑人憎，自己攞o黎，

但我又覺得佢地其實都係受害者，

相信年少興狂既少年好多，而受了日本ＡＶ既影響，我想無知影了呢類相既人亦不少，

但在不知情下被放上網既就是無辜者，何必說到佢地無地自容呢，

其實呢ｄ都係佢地既私生活，唔通藝人就一定要公開自己所有，

男歡女愛是這般平常，平常人既生活都可以是一樣，只是你既生活無佢地既生活吸引，有賣報既價值，

知情權同八卦是兩回事呀，大眾好似睇佢點死既心態好恐怖，

人人都會犯錯，點解殺人犯我地可以原諒，比機會，

而女星只是在私人生活上有所行差踏錯啫，就要即時判死刑，永不番身，

還提議身邊既親人都要離棄佢，咁樣講，從事黃色事業既女性都不可以有親人，不可以有朋友，日本ＡＶ女優要孤獨終老，枯勿論佢地是自願為金錢定被迫，作為女性，我同情呢類女性，不是人人都可以有得過平凡生活既條件o架，不要漠視佢地，

現在最緊要既係，放相上網既人不是為了貪玩，是精心策劃咁每日都放相上網，為既係咩？報復男主角？但我覺得報復女主角多ｄ喎，

不要再說藝人生活對青少年既影響深遠呢類陳腔濫調，朋輩同家人既影響遠比藝人影響深遠呀，做好家教，遇著呢類新聞更可作借鏡，千萬不要做不顧後果同不負責任既事，

青年人，除了這些事之外，身邊同世界上還有更多有價值既事同物值得我地去關心o架，

看看大陸今年既寒冬，白色澤國，人民有家歸不得，農田失收，都是我們城市人既污染，引發氣候反常，地球都病了，點解不反思一吓自己既生活，我地無時無刻都在做破壞，浪費物資，難道我地又無錯，點解還要去批判別人生活，

新一年了，關心身邊人，關心家多一點吧，

 

廢話完畢～