無情人點過情人節好呢??

情人節？無情人好約就約班朋友仔來開心玩吓啦～

今次就相約了幾位人奶ｂｂ一齊玩，唔經唔覺我地又大一歲了，記得上年我地仲係一班未識走未識行既傻豬仔，今年個個都成了甩蠅馬騮仔囡了，

嘻嘻～無心插柳之下，我在合照時同到Ａｍｂｅｒ妹妹排排坐，有美女相伴即時定定地坐了一陣，大家睇吓，袁小ｂ坐唔到有利位置，喊住向媽媽投訴緊呀～

之後發覺，喊功策略唔成功，即時離席抗議呀～

我就一於好少理，坐下埋ｄ，坐下埋ｄ，成功同Ａｍｂｅｒ妹妹手貼手影合照呢，有個快樂情人節回憶～

影完相之後，我地即時走人各有各玩了～

玩玩吓就發覺有位姐姐係度食緊零食，我兩眼發光，即時死纏想分一杯匙，但姐姐唔想同我分享！佢一定是位纖體代言人，知道獨食難肥，分了比我容咩易肥咗幾磅o架，所以即時帶我氹氹轉遊花園，但我都唔弱，為了食，我跟！！！

可惜．．最後都無得食，唯有自己走去飲水止一止啦～