太陽呀～ 太陽呀～
凍咗成個月終於都回暖小小啦，大寶既下午活動又可以去公園曬太陽了～
今日就玩ｓｉｒ樹葉，咁既玩意都諗到，
一路玩一路又要指揮我放ｄ樹葉，真係無佢咁好氣呀．．
近排大寶都有好多無聊玩意，等我慢慢記錄啦！！
因為呀四呢排都好懶呀，哈哈～
2008年2月22日 星期五
我要買玩具！！
有時坐車回家時，大寶會失驚無神就講去買玩具，去街街呀！！
咁．．．我就要同佢去反斗城行番轉啦，
不過我次次都係同佢齋行同玩吓就算，至於買呀？？都係下次先啦～
難得今日有早，反斗城仲有幾多小朋友係度玩，咁大寶就有陪啦，
首先玩個飛碟枱仔先，同姐姐兩個玩得好開心～
而我係一邊亦都睇得好開心，因為唔駛我上場陪玩，可以休息一陣，哈哈～
跟住又玩廚房了，唉．．．點解日玩夜玩都唔嫌既？？
佢又搵到個姐姐陪佢玩了，我又可以ｈｅａ多一陣～
ｂａｂａ見到佢玩得咁開心都有ｄ動搖．．
想買多一坐廚房放係屋企！？？
嘩！！我當然極力反對啦，再整多坐既話，屋企仲駛行既？？
除非．．．．ｂａｂａ想買過間大屋啦～ 呵呵！！
2008年2月21日 星期四
元宵佳節會友人
今年好開心呀，
記得上年既元宵節同情人節都是無咩節目而渡過既，
可能有節目，但呀四遺忘咗都唔出奇！？
自從大寶出世之後，呀四既記憶就好短暫，人老了．．
好彩～ 今年元宵佳節同情人節大寶都約了朋友仔一齊玩～
今晚就相約了謙謙同小ｂ囡去青衣公園賞花燈！！
在小ｂ囡未到之前，謙謙一顯大個仔風範，拖實大寶慢慢行，
難得個曳人又肯比佢拖住，仲一齊行，一齊玩，
如果是平時，我想拖佢就要駛出九牛二虎之力先捉得住呀，
行吓行吓就打回原形，要我抱住行啦．．．
抱吓抱吓又投訴睇得唔清楚，要騎膊馬，唉．．．．
呢隻仔真係難服侍呀，日又做呀四，夜又做古呢．．
好彩ｄ花燈都幾靚，我辛苦ｄ都值得！！
睇到中途經過公園既遊樂場，三個百厭星就全自動咁走去玩了，
睇花燈都係留返比大人啦．．．
３個排住隊去玩盪鞦韆，搖搖板，走上走落，
其實如果唔係睇花燈，我想都無機會在咁黑既情況下比佢地玩，
而且仲玩到唔願走
可惜最後在依依不捨既情況下都要被我哋帶走．．．
2008年2月17日 星期日
曳b聚會~團拜
新年我哋呢班曳ｂ又聚頭團拜了～
熱熱鬧鬧咁食吓，玩吓，
而緊係唔少得豆利是啦！！！
而呀四就可以吞ｐｏｐ打吓牙教，輕鬆一吓啦～
唔知點解呢，每次同班朋友仔一齊玩時我都會扮吓怕羞？？
查實我就一ｄ都唔知醜既～
在玩遊戲唱歌仔時，我拿住支咪又唔肯開聲唱喎，但平時就鬼ｃ咁多野講！
至弊就係全程都揸住支咪，又唔肯讓比其他人，講起都有ｄ唔好意思呀．．哈哈
玩到中途又無拿拿走去扮”呆佬拜壽”？？自己呆在一旁玩表情？！
不過呀四話我又扮得入木三分，似模似樣，
”傻豬寶”之名又一次得以正實，並不是浪得虛名o架～
玩吓玩吓咁就一個下午了～
我最後都不敵睡魔急ｃａｌｌ～未影大合照就投降瞓了，
其實一日至衰都係ｂａｂａ，一早起身就同我講下午有朋友仔來玩，
整到我心掛掛唔肯瞓，如果唔係我就唔駛咁早離場啦！！！
2008年2月14日 星期四
無情人點過情人節好呢??
情人節？無情人好約就約班朋友仔來開心玩吓啦～
今次就相約了幾位人奶ｂｂ一齊玩，唔經唔覺我地又大一歲了，記得上年我地仲係一班未識走未識行既傻豬仔，今年個個都成了甩蠅馬騮仔囡了，
嘻嘻～無心插柳之下，我在合照時同到Ａｍｂｅｒ妹妹排排坐，有美女相伴即時定定地坐了一陣，大家睇吓，袁小ｂ坐唔到有利位置，喊住向媽媽投訴緊呀～
之後發覺，喊功策略唔成功，即時離席抗議呀～
我就一於好少理，坐下埋ｄ，坐下埋ｄ，成功同Ａｍｂｅｒ妹妹手貼手影合照呢，有個快樂情人節回憶～
影完相之後，我地即時走人各有各玩了～
玩玩吓就發覺有位姐姐係度食緊零食，我兩眼發光，即時死纏想分一杯匙，但姐姐唔想同我分享！佢一定是位纖體代言人，知道獨食難肥，分了比我容咩易肥咗幾磅o架，所以即時帶我氹氹轉遊花園，但我都唔弱，為了食，我跟！！！
可惜．．最後都無得食，唯有自己走去飲水止一止啦～
2008年2月10日 星期日
打機王＆爛賭２
經過２日呆在家既休息，呀四終於忍唔住要出外走一走，
其實都唔係去ｄ咩特別地方，
只是去了ｐｏｐｏ家拜年，兼夾約埋班豬朋聚賭一番啫，
襯人未齊就開ｗｉｉ來打吓先，
難得又是有金牌在手（新年＋ｐｏｐｏ在場），呀四又要破例比我玩埋一份啦，
哈哈～其實係呀四自己爛玩，諗住比我玩埋一份唔好煩佢咋．
勢估唔到，我咁有打機天份，一學上手，玩得好ｃ投入，忘我呀，
不停講”打得好快，好快，”
跟住仲學埋呀四，一玩完就講”好倦～”
罪犯１號：舅父，除了上次教我打牌，今次又教我打機，不知日後仲教我咩呢？
罪犯２號：ｂａｂａ，再次比我上枱打牌，不過在這次前，
罪犯３號：ＡｐｒｉｌＥＥ仲教識我認牌添，好似一筒，一索，發，白板，我都完全分別到啦，
所以話呢，學好要３年，學壞？？３秒就得啦．．．
ＳＯ，頭號罪犯應該是呀四啊！！！掛住打機都唔理我～
2008年2月9日 星期六
拍得好快？好快？
年初三，沒有曳曳周圍去，呆在家中休息休息，
但我既屁股是尖的，又點會乖乖坐定定休息啊．．
就叫呀四陪我打波波啦，
先是看看點樣打，跟住我就上場表演啦～
擺番個靚ｐｏｓｔ先～＾＾
好！！不停將個波放在球拍上，向上打？！向上打？！
哎呀～點解又跌既，我再試，再打，再執，
哎呀～又跌？？又試，又扛，又執，來回幾也次．．．
呀四忍唔住開聲講：休息一陣先啦～
我：唔好，唔好，一次，再一次，
結果，死心不息地再玩了幾也次．．
最後，成頭大汗咁投降了，呢個遊戲對我來講實在太太太太太難了，
都係坐吓休息好過～^_________^
拍波上半回都仲係向上打既，之但係．．．最後就變為．．
下半回就轉為向下拍了，又容易，又唔倦，早知一開始就咁打啦～
訂閱：
文章 (Atom)