◇曳b聚會第2回◇

哈哈～我地曳b又有ｐｇ玩啦，今次在青衣呢，好方便

負責今次ｐｇ既媽咪好有心思呢，有籃球架給我們射波波，有彩虹傘，有麵粉給我們做泥膠，而我們ｄ小食更甚有特色，食得我津津有味

，期待下次ｐｇ快些到來～

我們好乖呀，排住隊來玩籃球，沒有你推我讓既情況，証明小朋友既好習慣愈早培養愈好，呀四１號要記住啦，千萬唔好寵壞我呀．．．

接著又齊齊圍圈圈玩彩虹傘，個個都好投入呢

，雖然中途有ｂｂ行開行埋兼扭眼訓，但我地都大個囝大個囡了，沒有跟住一齊放聲嚎哭，要比自己十個叻呀！！

哎呀～～我玩到露肚臍呀！！！似乎呀四１號自己玩得重開心過我呢，我凍親肚仔就痳煩啦，

不過有得玩就唔好停啦，緊接著既遊戲就個個ｂ都喜歡既＞＞＞搓麵粉做泥膠，呢個玩意合哂我河車，有水，有麵粉，平時在家一定無得玩架，呵呵～～今次我就可以肆無忌憚咁玩個夠，你地睇下我樣子認真，完全無視隻手仔幾咁漿糊就知搓麵粉係幾咁吸引啦～呀四１號你都係放棄吧啦，由我做．．隻污濁豬啦！

最後我更霸佔了其他ｂｂ既玩具車來玩，又真係幾過癮，全自動，唔知你地會唔會考慮買架給我呢？？？

答案係．．”ＮＯ”無得傾！！！

真絕情呢．．．．