生日去海洋公園有得免費，精打細算既我緊係要把握機會，一於食完午餐就出發囉！！！！
今次撞正”哈咾喂”，場內氣氛一流，你見到南瓜竟然叫節瓜，聽到怪聲又學叫，見到骨頭叫奀豬，激ｃ．．
上次來到都無玩過機動遊戲，只是同大寶去睇魚魚同海豚，今次既主角係我，當然要玩返一兩樣先得，就玩”越礦飛車”啦！嘩～～～好正呀，好耐都無試過再咁大叫大呀啦！！！好開心呀～～～～～
有了大寶後都無再玩呢ｄ機動遊戲了，記得剛剛有了大寶１個月時，重去關島睇大佬結婚，觀禮兼旅行，其實說起大寶你都應該喜愛剌激既，你在我肚內時都試過潛水，跳傘呢，哈哈～～回來後就知道有了你，ｂａｂａ就禁止我再玩了，現在想起都想去旅行呢．．．不知下年有無機會呢？？
講下講下就離哂題添，講返當日我地行程，我玩完就再去睇海豚表演，唔知係你貪新忘舊定你真係喜愛機動遊戲，全程係都睇住摩天輪，過山車，一ｄ都唔投入，咁好啦，我地即刻去兒童皇國玩啦，點知在坐吊車時你就．．．訓咗，無玩之如，連熊貓都睇唔到，我不停叫你都唔理我，無哂符，為有下次再來啦，
我都好想去旅行~~ 可惜我無咁既機會同金錢 等袁小B大D識行得好好時我都想同佢去OCEAN PARK OR DISNEY~ 不過加價 可惡：P 但見個個都去玩得咁開心，我都要同B去返次
回覆刪除去玩啦,佢地會好鍾意d魚架~仲有兒童王國,快d去啦~
回覆刪除哎呀!我都仲未去呀! 爹地話11月先
回覆刪除[版主回覆10/27/2007 09:58:00]記得去兒童王國呀,有轉轉熊貓坐^o^
呀! 原來生日唔洗錢入場噤正. 我都唔知添. 你的確係醒呀!
回覆刪除[版主回覆10/27/2007 09:59:00]個優惠好似去到下年年頭,你睇下有無機會去~
睇黎大寶真係幾大膽喎.
回覆刪除見到骨頭叫奀豬 <<<好搞笑
[版主回覆10/27/2007 10:01:00]佢d配對好求其,成日講到亂七八糟
係咩,任何人生日去海洋公園都免費o家? 係就蝕喇,上個星期我個friend生日去左呀
回覆刪除[版主回覆10/27/2007 10:03:00]咁蝕,成2佰幾wor,真唔低啦.
精打細算...妳???
回覆刪除不過為左大寶都要啦.
d相影得好靚呀.