行山 @ 鹿湖郊遊徑 Luk Wo Country Trail

2019年 1月13日, 星期日, 陰天, 

來到一月份, 心思思有件事~~~~~

就是找不響的吊鐘~~~~ 花!!!

其實好多山頭都可以見到吊鐘花, 

但眼見鹿湖郊遊徑比較集中, 

加上大枕蓋風景靚就選呢度啦~~

**

出門時天氣還好好的, 只是來到西貢就開始大霧, 

特別是半山上, 所以一路上山都是迷霧中穿梭~

由鑽石山坐巴士 96R 在 [ 上窰 ] 落車, 

見麥理浩徑起點直行, 大約10分鐘, 

就見西貢萬宜路的一個大回旋處, 

路旁有一個梯級, 就是上大枕蓋的捷徑~

郊野舞蹈家, 又跑又跳的衝上山, 

不停大叫 ''' 山頂見, 山頂等!!!! ''

只因天氣大霧, 他才間中等我, 因為心內驚驚.......

可惜....... 優美的風景不見了........

只有霧...... 只有風.......

**

用了大約一小時, 我們就跑到山頂了, 

原本可以見到萬宜水庫和大浪灣的......

現在只見草, 石, 大枕蓋高408米, 

無風景睇就尋花尋花去~~

好多吊鐘花呀~~~

好得意呀~~~~

今天無陽光, 但有露水, 

特別是高處的花, 每朵都水珠滴滴, 

好靚呀~~~~

**

可惜我只用手機影, 所以唔多特出, 下年一定帶相機來睇過痛快~~

心急的人仔已不停叫我下山了, 

所以又再次跑住落山.

今次他咁心急, 因為是2人行~

無哥哥, 無婆婆, 所以無耐性呀!!!!!!

我們今次是中途插入鹿湖郊遊徑的, 

所以回程到終點是很快的~

而鹿湖除了冬天有吊鐘花,

夏天有石澗, 好多景點, 但要等他們大點才去石澗玩水~ 

我的小甜心, 送了一棵草給我呢~~

咁多花都唔送, 送草, 

你日後點追女朋友呀??????

快上快落的鹿湖郊遊徑, 用了3個多鐘就完成了~

為了氹他下次再陪我, 就立即飛出旺角行下街, 食食嘢~

賞勵~ 賞勵~~