2017 年 1 月 30日, 星期一, 年初三, 雪呀~ 雪呀~~~
**
龍平滑雪場渡假村其實都幾大, 主要分 4 大區
滑道對我們呢D得 3, 4 年年資來說好足夠練習,
今次我主力在 GOLD 區 和 RED 區來來回回的玩,
GOLD FANTASTIC, GOLD PARADISE,
RED, NEW RED, RED PARADISE,
最後的一天都到了 DRAGON上玩了 RAINBOW PARADISE,
算是做了一個完美總結,
大寶是一個 " 勇者 " 他獨自一人上 RED,
我和細寶未能突破心障, 只在旁邊的 NEW RED玩,
睇來下次一次要請位教練來指導指導,
心知技術不足, 請教練主要是想壯膽呢~
人大了, 真係無咩膽色了......
所以大寶今次進步了好多好多~~
RED SLOPE 雖然不是好長, 都真係是黑線來的~
我想大寶有教練陪住的話, 去RAINBOW 1, 2, 3, 4都可以的~
睇到佢的進步真係好開心~
不知我和細寶下年可否跟上呢~~~
左手邊就是 NEW RED 了, 比 RED 仲短D, 不過真係好窄,
我覺得好難轉彎, 窄得滯, 所以 GOLD 那邊好玩好多~
**
在渡假村已無 COUPON 派發, 但網上都有優惠劵可以找到, 但難
場內已為先支付某個款項在一張 [[ YongPyongGiftCard ]]
之後在此卡付費會直接打折,
我在 [[ tour to korea ]]
訂車票時的 EMAIL 內附了 7折碼, 打印出來租用具和買吊車劵都有折,
但我選了出外租 [[ filaski ]]
租用具5天, 每天每人1萬WON x 4人 x 5天 = 200000 WON
吊車, 8:30 - 4:30, 75折
(76000 x 75折 = 57000 WON / 61000 x 75折 = 45750 WON)
其實應該是GIFT GARD 最好, 因用具比較新D~ 如 SIZE 唔啱又可以替換,
不過爸爸一時滑又一時唔滑, 所以選了民宿的,
有得商量, 又可臨時退款給我, 服務很好呢~~~
大家可以預早計算邊樣最好,
**
民宿主人會車我們到佢店試好鞋後就會車回雪場,
我們食過午餐後就開始在初級練習一下~
話哂都一年才一次~
初級雪道的吊車好慢呢.....
不一會就轉去中級了~
今天落雪呀~ 好開心~~~~
玩了一個下午就收工了~
我們無夜滑,
走了去汗蒸幕, 不過只有沖涼地方, 無得食同瞓,
不過浸過熱水涼又真係好爽呀~~~~~
**
見時間尚早, 就坐車到韓牛城食晚餐~~
的士真係好耐才有呢, 等了 20 分鐘才到.......
爸爸好大手的入了好多牛~~~~~~
自助形式, 自己選好肉, 坐好就有人來開爐開餐~~~~
呢個牛片卷,
一定一定要問服務員拿個 PAN 仔來煎, 再加個面包來煎多士,
超好味~~~~
是我們食完才得知, 旁邊的香港人走時見到來提點我~ 可惜了.....
我超喜歡呢個芝士, 燒到軟林林, 好味道~~~~
不食牛的我只有白飯或冷麵可食,
我再次挑戰冷麵, 好幾好味, 但真係夠了.....
上次和今次之後, 我認, 我唔喜歡........ 下次食白飯算數....
**
這間是三養牧場的韓牛食店,
都是好好味的~
[[ 三養牧場 ]]
三位食家都說牛里脊最好味~ 比牛扒好食~~
**
韓牛城的老板好好人, 知道難有的士,
就用自家小巴仔把 3, 4 枱食客車回龍平~
又慳了一次的士錢, 好開心~~~
其實有接駁車到橫溪附近, 但我們懶又貪方便, 所以無坐過~
而其實龍平酒店正門前就有一間食韓牛的店舖,
大家可以一試, 不用專登到韓牛城的~
**
回到龍平, 見有甜品, 又食~~~
不過 D 水果唔好味, 已雪到硬哂, 無甜味, 死實實......
但個刨冰唔錯, 好棉~
超滿足的一天~~
明天早起啦~ 再出發滑個痛快~~~
沒有留言:
張貼留言