2016年 1月 24日, 星期日, 寒冷~~雨天~~
**
今日是香港 59 年來最低溫的一日, 出門時溫度是 2.8 度!!!!!
大帽山更是路面結霜而大封路,
但明明天氣報告講是星期一才是最低溫,
點知星期日又是雨天, 又是最強風, 估佢唔到呢~~
不過我都依照計劃出發到烏蛟騰行山去~~
本來目的地是荔枝窩, 但又是失算下無機會......
而由大埔火車站坐的小巴也由 2014 年 11 月正式開一條線為 "" 20R ""
由祠心路行返轉頭, 再左轉到烏蛟騰路的盡頭,
會見到九担租村指示牌,
行前就會見到"土地"及一個木指示牌, 指向" 三椏村及三椏桶 "
呢個方向就正確啦~
但我偏偏發雞盲, 行了反方向......去了船灣淡水湖郊遊徑....
不停行呀, 行呀, 來到一條橋的盡頭啦...
才發覺無路, 我們行錯了....
唉, 大意的我一直都無睇路牌,
白白浪費了半小時了.....
再次回到指示牌, 再三睇清楚, 肯定是向三椏村方向了,
立即再出發~ 當時已是12時了.......
跟足指示, 行到來(新屋下)的一間粉紅外牆的大屋, 再向前行30米就會見指示牌,
九担租村, 跟此方向就會經三椏涌再到三椏村~
唔知今日我發咩神經,
來到一個分义路 , 不去睇路牌, 見人就走去問路,
剛巧他們所選的路又不是我們選的正路,
他們是抄小路行去三椏村,
加上他們行得又快, 行下, 行下還不見人了........
無奈的我們行到一半發覺無路可行....
再次折回那個分义路重新起步,
原來那個分义路的路牌就在前 5 步的地下,
唉..... 點解今日開始得咁不順呀 !!!!!!!!
唉..... 點解路牌會無啦啦由大大個變為丁屎咁細, 仲要放地下高小小......
大家如果來此行, 記得一直是向前, 向前, 不用轉左右的, 直行就正確啦~
不知不覺, 我們又浪費了半小時,
終於都來到網上見到的 [上路 - 犁牛石 ] 和 [ 平路 - 上苗田 ] 分义路,
我們是選平路, 不上梯級犁牛石,
出發~~~~
見到路牌 " 上苗田 " 就表示行到一半了~
呢個路段好平坦, 只是今日雨天比較泥濘....
我們係4隻好泥好泥的泥鴨......
正因為開始行時, 爸爸不小心中了 " 地雷 " ,
那感覺和此時的泥濘地是一樣呀!!
所以沿途我們都不停笑話爸爸, 大家都是一腳牛屎的鄉下仔,
來到三椏涌, 呢度好特別, 泥是紅色的,
個紅樹林都好紅呀~~~
**
經過 2 次行錯路, 用了 2 小時, 終於都來到三椏村了~
好大一片田地, 不過唔知係種了咩??
而呢度係有飯食的, 在十字路口, 分有四大方向,
碼頭, 犁頭石, 荔枝窩, 三椏涌,
由於飯店通知, 今日經荔枝窩回馬料水的船全日取消,
我們都不得不取消荔枝窩的行程了.....
因為本預算坐 5 點的船回程,
但現在就要行回烏蛟騰,
又要 2 小時呀!!!!!!!!!!!
再次和荔枝窩無緣,
睇來我下次都是由水路到吧, 陸路倆次都不成功呢.....
簡簡單單食飽飽就再次出發趕回烏蛟騰了,
好在今日時間都算充足, 如果無浪費了那個多小時,
我想大寶可以在碼頭釣下魚都還可以,
今次只有令佢失望了......
要在天黑前行回去呀~
在我們急速的步伐下,
2 小時內完成任務了~
今日又泥濘路, 又澗水, 又行錯路之下,
都無怨言的 2 寶, 好感恩, 他們長大了~~~
而一整日都毛毛雨加陰天,
只在我們回到小巴站時才有小小陽光,
天呀~~~ 你真的給了一個完美句號我們呢~
在回家的路上, 得知教育局宣佈, 明天因寒冷霜凍, 所有小學停課一天,
真的天助我也, 今天有夠凍和倦了~
明天不用趕起身,
就去葵芳出名的 "金潮 " 開餐啦~
平日人潮湧湧的店都因寒冷而變得冷清清,
因為人人都食打邊爐呀~~~~
小菜不出 15 分鐘就即時變凍冰冰啦.......
沒有留言:
張貼留言