行山 @ 馬屎州 Ma Shi Chau

2015年 7 月 26日, 星期日, 不曬但又熱又焗又無風.....

 ** 馬屎州 **

早上在家 hea 了一個早上, 下午終於忍唔住要去街玩下了~

立即選了馬屎州, 因知路程不長又方便, 

我們是懶到坐的士到三門仔而出發~

如要坐交通工具由大埔墟港鐵站乘74K巴士或20K小巴直達三門仔，

然後翻越鹽田仔的小山，通過連島沙洲即可到達，行程約2公里,

來到三門仔小魚村, 呢度有幾間士多, 在入口處仲有一間好大的酒家~

今日天色好清, 但就無咩風, 所以在三門仔時都仲好舒服~

一條直路去 " 大埔地質教育中心 "

沿路會見有魚村介紹中心, 野外捕獲發哥張相~~

在教育中心睇了小小介紹, 取了地圖就立即出發去馬屎州了~

要由教育中心行回頭路到一梯級, 才是起點呢~

睇指示是半小時就到馬屎州~

而呢條山路就是鹽田仔的墓地山, 

不停的上上落落, 見有大有細的墓地, 2寶就開始多嘴了.....

而爸爸最不喜歡他們胡說八道, 所以本是平靜的小山就被我們吵得嘈嘈閉了....

奇怪在呢個小山, 點解咁多垃圾, 人們都把用完的祭品, 膠袋隨山棄.......

心痛自己地方都不清理 !!

半小時的乾曬山路完成了,

我們都汗流浹背.... 變水鴨 !!!

大寶一心來捉蟹仔, 而我一心想來睇石頭,

所以又要爭辯一輪....

結果我輸了...... 先給仔捉幾隻再睇石頭, 點知 !!!! 他一捉就玩了一個鐘呀 !!!!!!

天呀 !!!! 天黑啦, 點行得哂 ????

睇指示要行2個鐘 ( 來回 ) 睇怕我都無望行得哂.....

等了又等, 終於都捉夠蟹仔可以出發睇石了,

先到 " 七彩泥岩 "  colorful mudstone

最後就到 " 石英綱脈 " quartz veins

只睇了 2 個景點石就要回程了.......

全長有1510 cm , 我們就只行了 540 cm, 三份一 !!!!!

如果有機會再來就要預多d時間啦, 

首先行鹽田仔山路, 半小時,

馬屎州, 2小時, 睇岩石, 又影相, 又要捉蟹, 又搵貝殼, 好忙.....

再計回程, 即要預 4小時呀 ~~~

所以今次太無計劃了, 2點才開始行真係唔夠時間慢慢 hea,

但如大家無我們咁多心, 3小時係足夠的~

如果行完馬屎州唔想行回鹽田仔山路, 

在連島沙州仲有個船家在等客~ 

車船回三門仔~ 不過好貴, 要人頭20元~

孤寒的我就要行山路回三門仔,

咁舒服就唔係行山啦~

其實馬屎州有個出名的地方

馬屎洲面積共61公頃，範圍涵蓋吐露港內的馬屎洲、洋洲、丫洲及三門仔新村東北面的一個未命名島嶼。馬屎洲是香港二疊紀「大埔海組」的要址，島上岩石露頭出露良好，加上存在斷層和褶皺構造，岩層亦發生變形或錯斷，形態複雜，因此最適合研究地層、岩性、沉積特徵和各類地質構造。此外，鹽田仔旁的無名小島茂林密布，吸引了大群白鷺棲息，除了地質景觀外亦深具生態保護價值，政府遂於1999年將該局劃為特別地區。

馬屎州的自然教育徑位於小島東南面海旁，全長1.5公里，共有16個景點。這條徑道以岩石為主要特色，遊人可透過實地觀察及細閱傳意牌，了解連島沙洲及多種岩石的形成過程，以及海蝕、風化和褶曲等的地質現象。