2014年12月14日, 星期日, 晴天~~
近日行山熱點除了是找紅葉之外就是去找芒草,
8掛的我心思思都想去8一8芒草, 立即起行~~
爸爸再三叮囑那石級路是難行的, 有哂心理準備都失預算.......
當日太遲起步了...... 11點才在山腳起程,
加上我們低估了那石級路程..
應該由9點開始行就差不多,
因那個時間山上已十分熱鬧, 多人到好似去清明拜山,
不停的行十多級就要停一停休息和讓人上上落落,
停下睇下行下咁就用了2個小時才到3分之1......
石級路基本上行了大半, 而接著的山路就還有3個山頭....
我們無行就回程了.......
和2寶說好的~~~ 2015年再行多一次!!!!!
前往起點大東山：
於港鐵東涌站B出口的巴士總站乘坐11號巴士或於梅窩巴士總站乘坐3M號巴士至伯公坳，下車後走至涼亭，再左轉入鳳凰徑，直登大東山。
起程前~~~ 大家都做足拉腿熱身~
向大大的石級進發!!!!
**
行了2個小時後就會到一個好開陽的小山坡, 身後是鳳凰山,
今日天氣十分溫暖, 好多高手都是短衫短褲出發的跑上山 !!!!!
一睇我們呢D業餘人士就知錯哂.......
厚厚的衣服加上牛仔褲..... 大家除下又一件除下又一件, 熱死咁滯,
好在有2隻行山杖加一大枝樹枝, 上山借力十分有用~~
只是小小的山坡都已有金黃的芒草了~
好美, 有陽光及藍天, 處處都影到大師級相片~
呢倆位破壞王, 當行山杖是武器, 不停的作勢打周圍,
呢度雖然是草叢樹林, 但並不是武林呀!!!!
不用大顯身手扮高手~ 努力向上行把啦........
呢個中午時間真的好難行...
一來開始好D倦, 因肚餓但又只可食麵包.....
想坐但周圍又好多人無咩位休息......
加上太陽曬得太應好熱...但D衫又除無可除.....
再問下回程的人, 都說只是3分1路咋, 還要行多2個山頭才到......
不禁望一望時間已是2點了...
要行多2個多鐘, 4點到山頭, 心怕落山時會天黑...
種種藉口, 都令我心灰意冷......
唔想行, 但又唔心息.....
嬲嬲的說" 回程啦...... "
就係咁.. 第一次半途而廢, 好唔開心呀,
我想去山頂呀!!!!!!!!!!!!!!!!!!!!!!!!!!
**
爸爸為了令我無咁唔開心, 不停的影相作安慰....
但我最想最想的是去山頂呀!!!!!!!
其實除了大東山還有好多地方有芒草的, 今次高估了自己
唯有下次再挑戰,
當時是12月, 我同2寶講 " 我們下年再來行多次, 一定要去到頂 "
他們2口同聲答 " 好!!!! "
我立即說 " 下年即是下個月呀! 1月就是2015年啦, 是下年啦~ "
他倆立時 呆~呆 - _____ -
哈~~ 嚇死你地未??
戲內常說~
唔賭唔知時運高,
唔嫖唔知身體好,
唔行唔知腳唔掂,
唉........
其實一路都仲有好多人上山的, 我一路落山一路心內落淚......嗚..嗚...
點解唔早D出發?? 點解唔堅持耐D?? 點解自己先放棄?? 點解????
帶住失望的心回到東涌,
同2寶食個飯醫肚~
本來大寶餓得好緊要, 剛才在山上, 他問爸爸, 今日無午飯呀??
爸爸答佢, 麵包就是啦, 你食3個包啦~ 因我們無完成行山...
佢立即好失望咁望一望D包....
唔想食但又唔夠膽講, 只但係又餓, 所以只食了1個包~
可憐的他見我們帶他去食飯, 開心到靜靜地食哂兼無要求果汁,
仔~ 希望你明白, 付出了努力, 之後的才珍貴呀~
今次大家都無盡力, 所以無得食甜品......
希望下年我鍛鍊好腳力和耐力, 再次開開心心的到大東山找芒草~~
沒有留言:
張貼留言