2015年1月18日, 星期日, 清爽,
過了 1 月的考試月, 終於可以去玩足一日了~~
所以我選擇去行山舒活筋骨,
成續未能創高峰, 唯有用雙腳去行到高峰, 話哂都是全港最高, 957米
去大帽山的天文台氣象雷達站打個卡先~~~
今次選了由川龍出發, 但原來會行多好多爸爸說的冤枉路......
因他每次到山頂影日出都是由第2個閘口行上去, 他說只需用1個小時就會到雷達站,
無必要由川龍起步...........白白浪費體力,
之但係...... 我們如果無由川龍起步又唔會影到咁多紅葉和芒草,
原本的計劃路線是由川龍行到龍門郊遊徑, 先影一影那個青蛙石再經響石墳場到大帽山,
但我們大意地忘了買乾糧麵包.........
雖然早上在家食了早餐, 但來到龍門郊遊徑與大帽山道交接點時.....
大家已開始肚餓了, 所以商量後就放棄青蛙石, 直奔大帽山頂~~
但....... 蝸牛的我們周圍影下相, 8下呢樣又8下嗰樣, 比預計的時間慢了很多呢...
早上11點才在山腳正式起步, 天氣很好呀!!
在家望大帽山時都是好多煙霞, 不見藍天.....
估不到原來太陽都好曬呀!!
我們起步之時已有好多公公婆婆由反方向行回川龍, 真係勁~
由 [端記茶樓] 向前行, 會見到 [三生酒廠] , 再向前行見 [開心坊], 再一直行就會見到指示牌,
響石墳場附近好多好高的芒草,
2位曳人仔你一條我一條的玩得好開心~
沿途仲有好多黃色的小花, 不知是什麼植物, 我是一個好無知識的行山初哥~
穿越了響石墳場的石屎路後, 有絲帶指路, 一路向前行就會見到指示牌說到青年營地,
但唔知在那的..... 只見又一指示向荃錦公路的梯及路,
望住雷達塔前進~~~~
在那個小石澗前有指示說附近會有螢火蟲出現~
我想, 在暑假時好無來碰下運氣~ 見美麗的螢火蟲~~~
**
終於....... 3小時後, 我們來到第二閘口了~~
天色好得意~
望向九龍與八鄉方向是有煙霞, 白芒芒的天色,
但望住雷達塔是天藍色~~
記得在10年前, 我是行過一次的,
今日再次和大細寶上來~ 感受到超大風, 天藍的天空,
考試時的悶屈都一一放開了~~
以前去郊外是陪心愛的狗狗奀豬玩........
難得今日見到2位少女拖住大大隻的阿拉斯加狗狗, 一定要集下郵呀~
我真係好喜歡大狗呀, 抱住佢個身, 感到到佢D心跳~ 好開心~~
而呢張相除了眼見的2人2狗外.... 其實少女主人是在狗狗身後的~
可知大狗係幾咁乖同大隻~~
今日, 雖然行多了路, 不過到頂時的開心和成功感, 我想大寶是高興的~
再次提醒自己, 他們慢, 又或行多了路, 都是一番感受, 所以自己要放手....
不要太執著他們跟我的方式...... 錯的感受有時比成功的感受還重要呀~
一整日的行程來到遊客中心就完結了~
已是日落黃昏~~
此時的巴士站已多人到排出馬路, 而只得一架車回到荃灣......
所以我們足足等了40分鐘呀......
因第一架車上唔到, 等第二架車才屈到上去..... 超倦呀!!!!!!
