2014年11月23日, 星期日, 晴 + 大風
**
在網上找蒲台島的資料時, 發現多是討論區介紹, 無咩詳細資料, 不過都知是個美麗小島~
要到蒲台島只有船, 而船亦都只有香港仔和赤柱2個地方,
蒲台島以石頭出名~ 今次要多多想像力啦~
晨早的赤柱好清靜, 而天色亦唔多好, 灰心的想..... " 我想同陽光玩遊戲呀!!! "
點知, 到島後就見陽光普照了~ 開心哂~~~~
不用一個小時就到了~
碼頭細細但就迫滿我們呢D自由行觀光人~
先來睇下島上介紹, 一心都想跟住網上D人介紹,
先到天后廟睇響螺石, 途經第三段,
可以上去睇下風景, 接著回碼頭,
之後向千年石刻及昂裝方向,
由佛手石到南角咀, 上斜到燈塔,
經僧人石及靈龜上山後, 再爬石級上觀日亭,
最後經棺材石回碼頭的,
呢個係最好行和輕鬆的石屎路~
但我...不知死.....
行下行下又盲中中的行了上山的第三段山路而無回頭,
就係咁而行多了好多崎嶇山路 !!!!!
看下圖....
好行的是紅色路徑, 而我就行了虛線山路上山寮及牛湖,
**
島上最多遊客及最大最貴的食店就是"" 明記海鮮酒家 ""
午飯時超多人, 而佢亦都有最低消費, 盛惠每人$150~
眼見2人餐最合理, 有白芍蝦及飯, 3佰都可接受
但4人要6佰都是多個蒸扇貝, 炒麵及肉, 4個大人都食得哂嘅, 我們一家就覺得食唔哂及唔低,
所以中午無幫襯.....
其實香港真係好多天后廟, 基本上每個小魚村, 島仔都有一個天后廟~
而聽島上婆婆介紹, 三年一屆的 [[ 蒲台島太平清醮 ]] 於明年正月十六日開始, 一連4日,
所以有興趣來睇熱鬧的人就下年2月來啦~
響螺石真係好大, 陽光下都好美麗, 天后廟前的小島是墨州, 不知小島上風景如何?
就係以下呢個指示牌, 我一心想上去睇一睇就落返來,
點知上到去又見上面有4個人行緊, 就又跟上去睇多一睇...
一D都無留意個路程需時係要1小時45分的.......
一路行都只有一個白雪雪的無字路牌, 不過只得倆個方向,
就是繼續向前行, 亦或回頭退回天后廟,
眼見前面都係原始石級路, 心想同平時山路都差不多啫, 就鼓勵2位曳人向前進發~
回望大海真的心曠神怡~~
點知......
愈行愈唔對路, 一路都是要靠那條鐵鍊攀爬向上,
可喜的是沿途大石乾爽, 泥土堅固無咩碎石仔,
中途我們休息了多次, 亦討論了多次是否打退堂鼓,
但一回頭看那斜斜的路, 心想, 上山容易落山難,
唔行都行了一半.....
悄悄地同爸爸打眼色, 用鬧我來激發他的鬥志,
好彩2位曳人都愛錫我, 不斷安慰我, 說會好好行完呢個山路的 !!!!
心內暗笑, 上釣了 ^^
路牌寫的時間是1小時45分, 我們就用了2個小時到達了牛湖分支路,
都算大成功了, 不知是時間尚早, 亦或人們都知呢條路崎嶇, 沿途除了那4人外就沒有人了,
不過到達山頂時, 風好大, 吹得步伐不穩,
但完成全程後那份成功感真的超爽, 正 !!!!!!
**
在牛湖分支路時, 我們選了回碼頭午飯,
原來那條路就是長石排所在, 而棺材石和古宅都是在此處,
可惜我龍眼上身, 眼大睇過龍, 咩都見唔到.......
在碼頭等船回程時, 我曾想走回上去找多次, 但黑山路真的好可怕,
我無膽獨自回去.....
**
那個明記海鮮無緣一試, 就在旁邊食個公仔麵吧~
跟麵的紫菜十分美味, 老板娘說是自家製,
而自家製的意米水都好清甜~
**
飽飽後就到平坦開陽另一端遊覽~
下午時份有很多旅行團到島, 幸運地, 他們遊覽完, 我們就食飽飽,
剛好避過人潮~~
慢步到石刻古蹟, 在日夜侵蝕下, 石刻已面目全非.......
真的, 呢邊的路真的好好行, 修葺得乾乾淨淨,
和塔門好相似~
由碼頭到靈龜石和僧人石只需20分鐘, 好易到,
全島有個窄位, 就叫昂裝, 呢度D風大到吹到人都癲....
不過在西斜下又好爽~ 因為真係曬到眼盲.....
來~~~ 和默默守在靈龜旁的僧人合個照吧!!!
我心向善, 問心無愧,
靈龜是要遠看才貼題, 才有那意境~
這個燈塔, 是出名影夜空的陪襯, 日落下都好美~
佛手石~ 那個手最像呢???
秋天時份, 在大東山上有美麗的忘草,
蒲台島都有小小, 隨風飛舞~
**
話咁快就一日啦, 由早上8點出門, 到6點上船回家, 真的好充實,
雖然好倦, 不過有美麗日落陪伴, 好舒服~~~
總結今日, 路是行偏遠了, 行多了,
但如果無行過就不知那 " 第三段 " 是一個原始美, 一個緞練恆心的好體驗,
人生路一樣, 唔怕行多, 最緊要是有韌力和有人陪伴到終點,
沿途風光, 用自己想像力去欣賞每一個石頭~
沒有留言:
張貼留言