2014年の雪樂無窮北海道DAY 5。4 @ 支笏湖氷濤まつり

2014年2月3日, 年初四, 星期一, 晴,

 

**

 

係酒店hea了一陣就立即出發~~ go!!!!

 

 今年舉辦的時間是 : (2014年1月24日-2月16日)

氷の祭典「支笏湖氷濤(ひょうとう)まつり」

 **  支笏湖冰濤祭  **

 

只需10分鐘, 就由酒店行到會場, 近 !!!!

不過好多店舖都無開門, 想8下都唔得....

 

 

途經一間雪糕店就食下啦, 包保d雪糕唔會咁快溶, 感覺低食d, ^^

 

 

又是我喜歡的水渠蓋~

 

 到此一遊相一定要有呀~~~

 

 **

 

當日只是-5度, 所以唔係好凍啫,

 

 

場內無咩特別的, 只係好多冰做的設施,

其中有個冰神社, 祈個福吧~~

 

而冰滑梯就最吸引我們~

無膽的細寶要由我陪玩多次才肯自己去,

而個大寶曳人就咩姿勢都做齊來玩,

花樣冰滑梯選手~~

 

 

 不過d燈光打得好靚, 同埋好乾淨,

相比大陸d又好似吸引好多, 美麗好多嘅~~ 起碼感覺無咁老土.....

 

 

 

 呢個冰魚牆好吸引, 好得意,

行下行下, 轉眼就個幾鐘了, 個天色都黑得好快,

 

 

 

 

回程時又發現一條迷你冰滑梯, 有殺錯無放過的2曳人又玩多幾轉.....

 

 

**

 

去食晚飯前, 當然要去浸一浸個美人靚湯先啦,

話哂係溫泉酒店,

 

難得是無咩人, 女湯人影都無個,

我獨享得十分寫意^^

 

 

 

酒店的衣服好fit, 再次想買一套回家,

 

 

晚餐係自助餐,

刺身好新鮮, 有我喜歡的帶子, 吞拿魚,

熱食的意粉好出意, 細寶食完一牒又一牒~

其他熱食都好好味, 一d都無馬馬乎乎,

相比香港好多地方, 好食好多~~~

 

 

 

 而呢度自家特色甜品就係呢個糕點~~

外脆內軟, 不太甜又不太大,

 

最滿意是呢度的食物係無限量供應,

我真係好好好滿意呀 !!!!!!!!!!!

 

  

 

 

 

 

而除了任取食物外, 每人還有一個主菜,

係燒帶子和燒魚, 好味呀 !!!!

 

 

已經食到好包啦, 點知回到大堂時又見到有甜品,

係燒棉花糖~ 有得玩有得食, 正正 !!!!

 

 

晚上又浸住個私人風呂, 再看住滿天星, 好寫意呀~~~

可惜無飄雪, 好想好想試下個感覺呀,

 

而爸爸被我下令要影個"星"空, 就要在凍凍的室外吹風影相,

可惜不如人意, D相唔多靚.....

 

 

不知是心理作用亦或溫泉效果,

我真係瞓得好舒服~~~

 

 

 

 離開前又次浸完美人湯再浸個私人風呂,

我D皮都無甩, 仲滑一滑,

我真係好愛浸溫泉呀!!!!!!

 

**