行山 @ 東涌逸東村至深屈 Tung Chung - Sham Wat

12月25日, 聖誕佳節,
唔想到商場人迫人, 最好就走到大自然的懷抱~~~~

加上細寶時時都口講講,  "" 我要到大嶼山行山, 唔行回歸徑.... 唔行.... ""
一心只想去行行回歸徑就算的, 但經細寶一講就搵搵大嶼山有咩好去處啦~

好彩都有個易行的路段, OK~ 就選東涌啦!!!!!
心有懷疑, 到底細寶知唔知大嶼山係邊O架??? 就多口問多句, 估佢唔到又記得, "" 係迪士尼附近呀, 係掘蜆附近呀, ""
好啦, 好啦, 應承了就出發啦~~~

由東涌地鐵先坐38號巴士到逸東邨, 再由福逸樓向海進發~~
行一陣就見到指示了~

### 第一站是侯王廟

在侯王廟對出的海除了見到360纜車之外, 仲見到有人在收魚網,
見佢不停收收收, 但又唔見有魚....

魚夫就無咩收獲啦, 但大寶就找到個小松果,
曳人1號立即定下今日的目標 """ 松果大捜索 """

曳人2號細寶就無咩目標, 哥哥想搵咩就死跟~~~
玩草都好開呀~

玩咗一陣, 行經
侯王橋時....
貪玩大意唔正經亂跑唔睇路的大寶就發生小意外了....
一個向前扑就雙手著地....... 磨薑...... 損哂.....

好彩有準備小小藥同膠布, 都止到佢嘅大喊....
唉, 教極佢跑步要提腳兼眼望前方, 係都唔聽教, 呢次意外之後就會記住啦,,,,,,,

睇電視見消防員用救火拍就見得多, 真身都係第一次見, 今次手多多仲拿上手試吓,
嘩!!!! 好重呀!!!!!!!!
消防員嘅體能真係極強呀!!!!!!!!!

在此又同大寶上了一堂好好愛護森林的課~
希望大家都要小心山火, 同唔好亂丟垃圾, 因為眼見海邊同山邊都好多垃圾....

頭段路有個涼亭, 在那裡可以看到機場的飛機起飛, 大細寶睇到唔願走呀!!!

一路行一路玩, 終於都到中途點, 鱟殼灣碼頭, 如果唔想去大澳就可以去碼頭坐渡輪回東涌或屯門, 又可以走回原路到東涌,
在此處, 假日還有小攤檔賣涼茶同冰菠蘿, 係咁凍天氣之下, 大細寶都要堅持食冰菠蘿...... 真係無言........

我們見時間都只係2點半, 回家又太早, 於是就繼續向大澳進發~~~~~

初到此處, 我都唔多知以我們的腳要行幾耐才到大澳的,
上網搵料時知道正常速度係要4個小時, 但我總會預多一培時間, 即是8小時,
8小時....... 講笑就得, 

所以我預計都係行一半就坐車回程的, ((((((( 我一直以為有車))))))))
但原來係無車的........................................... 只有剛剛的碼頭有渡輪回東涌,
所以........ 我又一次大意,,,,,,,,,

好彩大寶好叻仔, 好努力咁行到深屈村,
呢條長命斜..... 在落山時我仲好得戚咁講, "" 真係好啦, 只係落~~~ 手拖手慢慢行都得啦~~~"""
點知回程時就知死了......

被我誤導的爸爸一路周圍影相, 仲發覺好好多紅色樹葉,

大寶同爸爸又搵紅葉又搵松果,
好不輕鬆~~~~

轉眼就行到4點了, 終於都到深屈村了,
就係呢度, 就係呢度, 我一直以為有車回東涌的,

但士多婆婆就好肯定的講{{{{{ 只有回程的碼頭有船, 或再向前行多1個多鐘山路到大澳}}}}}
再唔係就要CALL 的士, 但今日有車的機會是0%
OH !!!!!!!!!!!!!!!!!!!!!!!!!!!!!! NO!!!!!!!!!!!!!!!!!!!!!!!!!!!!!!!!!!!

預算錯哂........

左計右計之下..

決定快步走回頭路到碼頭坐船回東涌, 呢個係最好方法, 因為前方的山路無街燈去大澳,
我們怕天黑了, 所以食個美味的蠔餅及公仔麵就回程了~~~
婆婆好好人, 一路同我們有講有笑, 大寶同一寶都傾到唔願走呢~~~~

2寶手上的木頭是放餐牌的"鎮", 真的物盡其用~~ 讚X10000000~~






對出仲有好多自家製的鹹桔~~~
係咁好嘅天氣同大量陽光下, 果皮同鹹桔都一定好美味~~~

回程了.....

那條長命斜今次是上了, 本來就斜得要命, 家吓仲要加多個細寶在背脊呀!!!!!!!!!!!!!!!!!!!!!!!
又要加快腳步, 又要加多件,
真係一個好好的減肥方法~~~~~

由生完大寶之後, 我就一路肥肥肥, 最高記錄有145磅呢...
終於在呢半年到, 我努力的同大細寶去行山, 去玩,
體重有回落啦, 家吓係11X磅啦~~~~
但..... 革命尚未成功的, 我還有好多肥肉呀~~~ 努力~~~~

日落西山, 係大家的努力下~
我們在5點半就到碼頭啦, 雖然今次有D失算,
但沿途都有飛機陪伴, 又有好多松果同紅樹葉~ 總括來講, 呢個路段都好易行呀~

下次希望有能耐可以行到大澳!!!!!


今次路段是參考了[[ 綠州 ]]
http://oasistrek.com/san_shek_wan.php

滿手膠布, 但有2個大松果就好滿足了~~~