細寶K1了

8月29日,

細寶正式展開佢嘅漫漫長路讀書路, 上K1了~~~~

首日返學係由婆婆陪伴~

每日1個鐘~ 一連3日~

我內心一直都真係好歉疚的...

大寶就由我完完全全的陪伴, 而細寶就在迫不得以的情況下要交由婆婆陪伴,

倆人的個性真的有好大分別,

大寶依賴心重, 一定要大人陪伴才肯試新嘢,

而細寶就可自得獨主玩, 一有新嘢就即試,

但倆人都有共通點, 就係成日蝦婆婆, 有時諗, 佢哋有婆婆寵呀, 錫呀, 係幾咁幸福, 雖然婆婆又真係無咩底線... 有長輩睇住, 陪住, 唔多唔多都學會專敬長輩, 關心別人, 分享開心和曳的一面都會表露無遺,

反之我細個時就係無咩長輩陪伴, 所以我就有D自把自為, 哈哈~

 

 

9月1日啦~

今日開始就要獨會在班房2個鐘了, 但哥哥在12點才放學, 所以都要在班房呆多1個鐘, 等埋哥哥一齊放學~

倆人手拖手的出來, 真的好感動呀~

平常在家唔多照顧細寶的曳人都盡了點本分, 一直拖住無放開呀!!!!

快將3歲啦,

在食飯方面還是進展緩慢, 用圖書攻勢唔多WORK.. 用玩具都唔多得, 含飯習慣好難改呀!!!!!

在瞓方而就時好時壞, 中午見哥哥唔瞓又死跟唔瞓, 但到5點時就坐係度都瞓咗,

脾氣依然好大, 道理依然唔多願聽, 知道自己錯了, 但死愛面唔認錯, 找不著落台位時就最失控, 硬頸性格強過哥哥多多聲, 有時哥哥都肯讓一讓, 但佢就唔知痛唔知罰, 依然自我世界...

但聽老師講在學校都會專心上堂的,

細寶, 加油呀!!!!!

 

 

今年大寶要準備升小學了,