細寶 3 歲生日 2011 年

9月28日, 細寶3歲了,
開學一個月的細寶, 暫時都深得老師寵愛, 因為曳人本色還未被識破呢......
我實在想不明白, 點解2個曳人會愈大愈大脾氣, BB時常常笑的開心果, 點解現在一鬧情緒就咁失控, 咁想打鑊佢......
點都好, 大一歲的細寶,
呀四好想好想你明白, 大個仔, 要用言語去表達自己, 唔好一味大叫, 郁手郁腳,
大家都講道理, 好嗎??

身體要強健,
心要感知足,
學海是無崖,
樂天會快樂,
自信而幸福,
禮讓是必須,

仔呀, 大個要明呀~~~

上年2歲時, 笑咪咪的你, 要永遠幸福快樂呀~~~

蓮花

爸爸早排影落的蓮花, 我覺得都唔錯, 同大家分享一下~~

 

西貢橋咀

9月25日, 我哋原本想到西貢赤徑行山的,
但因落大雨, 所以就轉到西貢行街,
點知下午突然有D好天,
所以就立即坐街渡到橋咀轉一圈了~

初到此地, 第一次見到波蘿包石~ 好得意呀~~

周圍都有介紹的~

這個橋咀郊野公園都可算全港最迷你, 以正常速度行完上山落山, 真的不用20分鐘~
快靚正!!!!
帶住2寶去都好好容易完成呀, 一如計劃進行, 今天都算有行山呀!!!!

行到小山丘上仲可以見到好遠的釣魚翁山添~~

倆位小MODEL 不斷擺出不同POST~
又有蟹, 又有雀仔, 知啦, 知啦, 知你係好舒服的大自然地方啦~~~

倆位曳人仔玩到唔願走...... 結果....

水漲啦~~~ 要赤腳行石春路,
痛就唔痛, 係怕D蠔殼割腳啫.....



總括來講, 呢度都幾舒服, 又方便, 而需$20元就可以來回了一個地質公園, 超~~~~~~值!!!!
小朋友係十分適合的, 但因早上太大雨了,
山路有D濕滑, 如果唔係, 細寶都可以自己行上山同落山,
有機會都會再來玩多次~~~~

西貢海下灣

 

9月4日, 星期日, 熱~~

今日我們去了海下灣, 本是開開心心的, 但在村口的士多, 我們被人白眼了, 獨市的士多果然是目中無人, 我們先在此店食了一個貴而不飽兼難食到嘔的午餐, 但在離開時, 因不知附近有公眾洗手間而幫襯了他們的沖身服務, 只用水喉同大細寶都要各付$5, 只是沖身後在佢度坐一陣啫, 都要串串共的說, 不是幫襯就唔好阻住地方, 嘩!!!!!!!! 又食午飯又沖身都唔叫幫襯, 唔通要係度擺酒才叫幫襯???

不知所謂!!!!

 

 

 

 

 

 

 

 

一心想來看海星, 海膽, 貝殼,

但因無咩陽光, 而水有D混濁, 咩都無得睇, 可惜..

 

 

 

 

 

 

好彩倆個馬騮玩水都玩得好開心~

只係大寶唔小心就被壕殼割傷了腳趾, 下次去玩呢D地方最好就穿鞋啦~

 

 

 

 

玩咗一陣水就回西貢睇海鮮了~

 

海下灣, 明年好天氣時一定會再來的~~

仲一定會自備食物才去呢~~