瘋狂小子在嶺南之風

2011年4月10日, 星期日, 風和日麗的早上,

 

**

 

2寶在小的時候, 他們都是在公園度過無數的周日~~

 

近的是嶺南之風, 遠的是濕地公園,

好在是2兄弟, 同是好動頑皮無時停,

無小朋友的公園都可以2個玩個夠~~

 

 

**

 

原來由細到大, 倆位曳人仔的小動作都好相似,

 

食條雪條都有相同的嘴位動作, 咬下嘴唇.......

細細口的第一啖~~~

 

但.......

幾啖次後的真我個性就出來了,

 

大寶就是陰D陰D的食, 特別是超喜愛的雪條, 雪糕呀, 但係呢D慢慢食就會溶哂, 無得食...

平時食飯食生果就又快到大大口...

 

細寶聽得多, 見得多, 所以就大大啖, 起勢咬, 特別快, 反之食飯就慢到瞓著...

 

點解??? 點解無平衡點.....

 



 

**

 

細個時的大寶超喜歡練習手臂, 所有用手力的遊戲都玩個樂此不疲~

反之, 細寶就喜歡跳躍, 周圍跳, 周圍彈~

可能是人仔太輕巧, 感覺有輕功咁~~

**

 

我個人對所有按摩的活動都好抗拒,

但2寶對腳底按摩就好躍躍欲試~

 

唔通細路D腳底有保護莫???

 

**

 

幼稚園時期的2寶真的好可愛~

 

無功課壓力的生活真的好開心~