煩......

近日, 我為著下個月要轉新工人而煩惱, 內心一想到有2個星期的真空期, 心內就一把汗了....

其實我一直都係一個無耐性的人, 不論對自己亦或別人... 所以我好擔心要適應一個新工人... 因為唔止我一個要適應, 我還要令2寶+ BABA適應.... 好煩,

 要令2寶喜歡佢, 要令BABA覺得佢做到嘢, 唔係白請.... 好煩,

而我就怕對佢太苛刻會令佢黑面, 無心機同2寶玩,

怕佢做事馬夫而我會好忟, 令我無心機同2寶玩, 要不停執手尾,

怕佢手腳慢幫唔到手, 如BABA所請, 白請, 而BABA就不停娥我唔識教, 買佢怕, 但實情係, 好難請工人而你唔知... 我自問自己做到80分, 你都講得60分, 而工人就更得40分, 需知道, 迫一迫肯做, 係工人, 迫極都唔郁請回鄉, 自動波, 極品好工人, 要以禮相待, 但BABA就係唔明白, 就算我全職做黃面婆都有時想偷懶啦, 何況係外人...

怕佢見到2寶咁曳而唔撈, 忍你倆曳人唔係應份, 教你更唔係本份, 係我職責份內事...

怕佢見到我咁奄尖而唔耐煩而唔撈, 我有時好固執,

好擔心, 擔心.....



今時今日, 我怕無多餘時間去教... 不論係新姐姐亦或2寶, 無得講你做唔來就我跟多D, 以前我跟好多, 好多....

因為我要倆邊忙, 有時再比2寶激一激就更加無耐性.... 其實都好內疚,

有時心煩得滯會大聲呼喝2寶...

我好唔想, 好唔想2寶學到我嘅壞脾性, 個種又忟又霸道嘅醜面......但我真的...... 控制唔到自己, 唉......  尢其是大寶, 我常常都想佢學好D, 進步多D, 但就係時時心內愈急, 愈唔得, 好像上年一樣..... 是不是我唔識教.... 我會唔會拖慢佢嘅進步, 教得佢唔夠時間... 所以佢好似一無所長...

一個咁無用的我, 可唔可以教得到佢地學會放鬆呢...學會自立,

時時同2寶講我錫你, 我愛你, 可以彌補我嘅指駡嗎??

同2寶去玩, 去食, 可以彌補我嘅體罰嗎??

同2寶抱抱, 可以彌補我無時間陪佢嗎??

同2寶睇圖書, 講故事, 可以彌補我身教不足嗎??

同2寶食飯沖涼, 可以彌補因無耐性而衝口而出的說話嗎??

我好想愛你哋多D, 多D, 多D, 多D, 多到時時包圍著你,

好想時時甜言蜜語的與你哋傾計,

好想時時笑面相視, 但我有時就因一時火廡眼, 將自己變為一個好惡好惡嘅媽咪...

學習, 學習, 當你做曳事, 曳行為, 曳說話時, 學會先在心內數.... 數10下,

再望望你, 真的是要鬧嗎? 又不是... 那就講道理, 得唔得呢???

不知, 尚在試驗中, 

但我想我會做到的,

2寶, 比機會我學, 就好似我比機會你哋一樣, 可以嗎?

唔駛好多次, 我改到時, 你哋都改到, 好嗎??