2010年京都．景 ．嵐山

2 月 17 日, 星期 三, DAY 4 下午

京都 [ 嵐山．天龍寺．野宮神社 ]

話咁快就由稻荷坐車到嵐山啦~ 出發前好想坐個o架觀光小火車嘅, 但 1, 2月都暫停行駛, 又無緣一坐啦....

咁來到嵐山就一定要到天龍寺啦, 世界遺產呀~

保養得好好呀~

難得一見嘅好天氣

我呢個季節來到, 但人流又唔多喎, 
大寶通山走就無見到幾多人, 奇, 唔通剩係櫻花 + 紅葉季才會多人??

 

行咗一陣就去搵食醫肚啦, 途經竹林, 好靚呀, 唔知拍臥虎藏龍個竹林靚 d 亦或呢個d~

野宮神社, 係求姻緣嘅好地方, 我幫我 d 好姊妹求了呀~

點解無呢 d 小和尚嘅手信賣嘅, 我想要呀!!!!

唔知呢 d 係唔係初櫻呢 ??

今次行程本來打算在嵐山住一晚溫泉酒店的, 但個價錢好貴, 
同埋又好似無咩特色咁, 所以就轉呔去了城崎啦~ 
但車站都有足湯又真係幾正, 本想一試, 但趕住去金閣寺, 所以影相留念就算啦~

即坐呢o架嵐山電鐵到龍安寺, 點知再次人算不如天算, 金閣寺已在 4 點半閉寺啦....

回到四條大宮搵晚餐, 周圍都好多特色餐館同居酒屋, 但就唔似會歡迎小童入內, 因為問過多間都無小童椅, 唯有屈服於有寬闊卡坐但毫無特色嘅餐廳啦..... 
想玩盡食盡大阪京都, 都係要等小朋友大 d 才可以啦, 
但有 2 寶同行, hea 吓神社, hea tea 都好開心呀, 最緊要係有得同佢哋一齊啫~

回酒店時都夜深啦, 幾驚無市巴市坐呀, 因為係四條個邊比較熱鬧咋, 其他地方好早就黑 mama, 回到京都車站就只得個京都塔搶眼 d 咋,

再見啦, 京都, 明天就到城崎享受呢個行程嘅美味溫泉料理啦~ 終於都有啖好食啦,