懷舊金曲夜

 

突然好想好想好想同大家分享呢幾首舊歌.....

 

喜歡三毛, 所以有關佢嘅歌都喜歡~

 

 

[ 橄欖樹 ]

 

 

 

[ 夢田 ]

 

http://preciousthings.51.net/chen/music.htm

 

 

都喜歡盧冠廷

 

[ 一生所愛 ]

 

 

 

[ 但願人長久 ]

 

width="500" height="405">

 

 

書 ( 6 )

 

 

 

圖書時間又到啦, 今次分享在淘寶網內嘅其中一間書店嘅收獲 " 盛世九九圖書 " ,

 

 

我在淘寶購物是比較喜歡選有 [ 商城 ] 記號嘅店舖, 如我在此商城每買一件貨, 店舖是要付小許費回淘寶的, 所以再看埋佢個評級就會放心在此店購物啦, 呢個係我個小心得,

 

 

 

 

上次在其他店舖買此書時, 送錯了第一輯比我, 今次終於都買到第 5 輯了, 大寶好喜歡嘅一系列書~ [ 理查德．斯凱瑞, 黃金書第 5 輯 ] 內容生鬼吸引呀~

 

 

 

 

[ 第一次發現 ]

在網上時常看見對此書評都好好, 今次買了其中一部份來睇睇, 內容都幾好, 但如果要用此書來認字, 我想就要買英文版 / 繁體字版了, 但上網查過, 一整套書個價錢都好貴吓, 唔知圖書館會唔會有呢,

 

 

 

 

 

又是作者 [ 宮西達也 ] 嘅作品,  " 今天運氣怎麼這麼好 " 我個人真係好喜歡呢位作者, 所以會一直追著佢嘅作品來買~

另一本  " 蠟筆小黑 " 都好得意~

 

 

 

 

 

 

一套 8 本嘅 " 可愛的身體 " 逐本逐本咁睇, 吸引~

 

 

 

 

 

無字書, 以前係我講哂, 現在大寶會加入自己個想法, 雖然係講講吓會轉了去 TV  嘅機械人內容, 但都係一個好開始, 想像無限大呀~

 

 

 

 

 

4 本單完書, 各有各吸引~

 

 

 

 

 

本以為大寶會好喜歡, 點知家吓掂都未掂過, 等........被發現.....

 

 

 

 

 

2010年大阪京都鴨仔團．滿載而歸

2 月 19 日, 星期 5, DAY 6,

回家日

開心嘅時間過得真係特別特別特別快, 轉眼就玩咗5日, 回家啦,

今日由早上 11 點開始, 一直坐火車, 坐飛機, 12 個鐘, 足足一個圈, 終於都回家啦~

2 寶來來回回都不知瞓咗幾多轉才回到家, 全個行程最最最辛苦就係今日,

baba 不停問我, 點解要一日搭咁耐車, 唉, 無計啦, 由城崎回大阪要 3 個半小時, 由大阪到機場要 1 個小時, 因為大寶係就快到新大阪時突然一句 " 我褲仔濕咗呀.... " 換得褲又怕快到站, 唔換又佰佢會扭計,  整到我突然不知所措... 就係咁又早咗 1 個站落車..... 白白浪費咗我一張由新大阪到機場嘅特快車票,

嗚....... 今次行程千錯萬錯都係我錯, 錯漏百出呀....... 本來自問安排得十分之好嘅一條龍轉車計劃就咁告吹..... 要搭回普通站站停列車, 但... 錯有錯著, 比大寶見到列車甩卡情景, 開心到佢到今時今日都仲講緊~ 玩親車仔都講 [ 甩卡----- 卡!!! ], 哈哈, 終於再坐埋 4 個小時飛機, 11 點多 d 就回到家啦....

2 寶 一瞓落床就唔再郁來郁去啦, 辛苦咗成日, 終於都有得休息, 食埋個松葉蟹公仔麵消夜~ 呢次旅行就完滿結束啦~

分享今次嘅手信先~ 都講唔上係手信, 因為買比其他人嘅物品真係小之又小, 而我同 baba 就更加無咩點買嘢, 好忍得手嘅一次行程,

溫泉旅館嘅蛋中鳥~

大寶嘅玩具火車系列, baba 講香港應該暫時未有得賣, 所以好捨得地買了大量,

baba 一路選車時一路問大寶 " 你喜歡邊架就買啦, 我唔限你 !!! " 嘩, 好豪氣呀 !!!!

但大寶回佢一句 " baba, 我一架就夠啦, 下次我乖你先再買第 2 架比我啦~ "

此時此刻.... 我同 baba 都唔相信此話出自大寶口, 你咁識諗呀~ 我老懷安慰啦~ 但其實佢係諗住自己一乖就來買一架, 想買哂!!!!

但當 baba 同佢講清楚得今日有得買咋, 走咗就無啦, 佢個樣即時想喊呀, 呵呵....

終於由幾十架中選了呢幾款, 希望你會珍惜啦~

呢 d 小 飾物就係送比人嘅~

大寶喜愛嘅鯨鯊 bb

在城崎見到好多馬油, 諗都唔諗就掃了一打回港~ 希望濕疹唔好再係大寶身上發得咁勁就心滿意足啦~ 如果好用的話, 就要諗吓香港邊度有得買啦, 補貨係一大問題~