又來 halloween

 

10月25日, 星期日, 熱~~~~~

 

 

今日本想去 迪欣湖 hea 番個下午嘅啫,

點知問大寶想唔想入去迪士尼玩呀?? 一問就出事, 竟然係 " 好想呀!!!! "

唉.... 無法啦, 鬼叫自己衰多口問咩, 無理由問完又唔入...

終於就大破費入去行咗個白鴿轉,

 

 

 

 

 

 

 

 

入面d氣氛好好, 又熱鬧, 大家不知幾興奮,

不過細寶就唔多高興,

因為無得爬.......

 

 

 

 

 

 

先來返個招牌 post 先~

再睇吓細寶係幾咁唔耐煩, 好想爬, 好想走......

 

 

係度等睇巡遊之時, 細寶都靜雞雞自己走人~

 

 

不過當佢一聽到音樂時, 又急急腳爬返來睇熱鬧, 仲郁手郁腳跳舞~

 

 

第一次睇巡遊嘅細寶十分之投入, 睇住d人同車不停 e e 鵝鵝講唔停~

心情超興奮呀!!!!

 

 

當知道完結時介好依依不捨添~ 睇吓佢個臭豬樣~~~

 

 

 

 

終於都同到主角影相啦~

入o黎幾次都未影過~

 

 

 

 

原來 d 機動遊戲連細寶都玩得o架, 我都係第一次知~

細寶嘅第一次就咁就比咗迪士尼啦~

 

 

玩到最後, 大寶玩咗個河流探險, 但已經太夜啦, 周圍都黑 mama, 大寶都已經好緊張吓,

而細寶當時已瞓到豬仔咁, 發生咩事都唔知,

就係快到落船時, 隻船停咗係一個石隙旁, 而周圍都噴火...

就係呢幾吓 " 馮 馮 聲 " 嚇到大寶即時叫走......

 

 

同上次一樣啦, 大寶話唔想再來迪士尼, 唔鍾意 d 火, 又熱又聲....

都好, 又可以幾個月後才再來, 再次確定唔駛買年票, 哈哈~