功課之中秋節花燈

不知不覺大寶己返學一個月了, 今個月有第一份親子功課, 我係十分之討厭呢d功課嘅, 擺到明就係要家長做嘅, 小朋友做得幾多呀???

不過, 話完討厭都要做o架, 唯有問大寶想要咩啦... 佢初初想要火車, 但我諗唔到點整, 就氹佢話飛機靚d喎, 不如媽咪同你一齊整飛機啦~ 之後幾日佢就不停提我要整飛機啦, 眼見學校都有幾多家長整咗, 原來大寶都好渴望有自己作品比老師欣賞, 咁就要急急開工了~

下令baba 負責外殼, 我負責痴玻璃紙, 原來都好多功夫... 做到死呀... 經過我倆努力, 終於都係2個鐘內完成~ 萬歲!!!!!

而 d 星星,心心就係大寶痴嘅, d九唔搭八樹葉更係佢指定要加上嘅, 莫名其妙呀?? 中秋又關樹葉事???

好啦, 劣作完成後, 大寶興奮到不得了, 咁醜樣都收貨, 証明佢真係好想得到老師嘅讚賞~ 哈哈, 希望老師都識做, 讚吓佢啦~

講開學校, 早幾日大寶因為病咗, 無返一日學, 但學校竟然一個電話都無打比我... 令到我對呢間學校即刻大打折扣..... 即刻想轉校呢... 不過又唔知轉得咩學校... 唉....