細寶1歲生日會 2009年

話咁快, 細寶就1歲啦, 今日約咗好多朋友仔來一齊慶祝~ 超開心

今次唔單之係細寶嘅生日會, 仲係君浩妹好芷晴嘅生日會, 並唔係聯婚, 係聯生日會~~

生日蛋糕係大寶幫細寶選嘅, 迷上跑車嘅大寶指定要車車蛋糕~

來張曳人2寶合照先~

倆曳人係屋企已開戰好耐啦, 一時就你搶我o架車, 一時就你爭我本書, 一日嘈到黑無時停......

不過爭完搶完又會坐埋一齊再玩過, 而細寶更係大寶嘅小fans添, 大寶玩咩佢就玩咩, 不論係爬床, 捐枱底, 一味照跟唔執輸~

不過我有好鍾意睇佢哋又爭又一齊玩嘅任何事, 2兄弟唔打唔大呢~ 哈哈~

人人都話細寶時時笑口常開, 我想都係因一出世就有大寶陪, 無咁悶, 所以覺得日日都咁開心, 心情都開朗d~

其實大寶都開心o架, 只係唔多識表達, 加上學校有人同佢爭玩具, 老師又唔係成 日注意佢, 因為大寶係一名口水佬, 見到咩都會即時一論咀係咁講, 我想係學校應該無人會即時比到回應, 所以佢都有d唔開心, 一放學見到我就開始不停講嘢, 又唱歌, 我想佢都係想我即刻讚佢同留意佢,

至於d脾氣就真係大咗小小, 我會轉轉方式同佢相處, 收一收自己d語氣, 唔再一開口就鬧佢, 會細細聲問佢係唔係有唔開心, 傾吓氹吓, 希望佢快d適應校園生活, 同識到朋友仔, 咁就會愛上返學啦~

早前唔知係睇tv 定聽收音機, 講咗個故事

從前有個和尚, 好喜歡種植物, 咁有次佢去遠行, 就交帶d弟子要幫佢淋水同打理, 但有個弟子唔小心打爛咗和尚心愛嘅蘭花, 咁所有嘅弟子都好擔心...... 直到個和尚返來, 佢知道後不但無嬲仲安慰弟子, 就講 " 我種植物係為咗供奉佛祖同陶冶性情, 並唔係為咗生氣同嬲而種 ."

我聽完之後就明白, 生2寶出來, 係希望帶歡樂比佢哋, 並唔係為咗要鬧同打而生佢哋, 所以我會努力學會愛佢哋, 教佢哋, 因為我想日日都見到佢哋嘅笑面呀~~

今之大多數食物都係自家製, angel 整嘅三文治同意粉好好味, 而peggy 整嘅啫哩都好正~ 至於我嘅工人姐姐今次立下大功呀, 佢嘅雞翼蛋好愛歡迎呢~ 哈哈, 終於都見得吓人嘅~

大合照又點少得呢, 不過要控制咁多個o靚仔一齊影就真辛苦, 而個曳人大寶仲無o拿o拿喊添, 原來係為咗要吹蠟燭, 失禮死呀.....

不咁被我成日抱住困住嘅細寶, 負責同雙手+褲管抺咗半個場嘅地......

至於另一半就由大寶搞掂埋, 清潔ee應該多謝2寶, 唔洗點抺就乾淨哂~

今日多謝哂咁多位出席, 仲有d禮物, 好靚同好啱洗~

大細寶都用到, 真係無得頂呀~ 再次多謝咁多位媽咪~