海洋公園

 

5月31日, 星期日, 晴~

 

 

 

 

講咗九世, 今日終於都同大寶去咗海洋公園啦,

佢真係開心到不得了.....

 

 

一到步就扮村姑, 扭身扭世,

就連高難度 S post 都出埋,

叫佢做咩就做咩, 真聽話~

 

 

 

 

 

 

 

佢呢個 " V " 手勢都唔知點解做到成個日本妹咁....

好做作..... 但又好抵死~

 

 

 

 

 

 

 

 

 

 

 

 

細寶睇見大寶玩得咁開心, 一 d 都唔執輸,

明明眼瞓到爆都頂硬上玩咗先算.....

所以話.... 想細寶乖??

好易咋, 搞得掂個大寶就得啦,

哈哈~

細寶學到足o架...

之但係,

教個大寶都教到我長期嘔血啦.....

 

 

 

 

 

 

上年同小 b 囡來玩時,

大寶已好想好想坐, 但唔夠高....

今年, 玩到啦~

不過就..........

 

 

口講話唔驚, 但一叫佢玩多次就講 " 下次先啦...."

明顯地係驚到c~ 哈哈~ 死要面唔認~~

 

 

明明之前個個小朋友都叫到鬼殺咁嘈,

但佢哋呢批就........ 靜到蚊飛過都聽到,

剩得 baba 一個傻佬係度叫......

瘀到爆, 哈哈哈哈~

 

 

 

 

都係玩返 d 強項啦, 跑跑跳跳, 又爬又擒馬騮精~

 

 

 

 

 

 

細寶一見周圍都係公仔就笑到合唔埋嘴~

興奮到手 + 腳未停過...

 

 

呢隻 " 小熊貓 " 又真係好得意~

見住佢周圍走真係好開心~

值得去睇o架~

 

 

" 娃娃魚 " , 大寶睇完就愛上咗~

好彩屋企咁啱有本圖書有佢,

如果唔係都唔知係邊死隻 " 娃娃魚 " 過佢,

每日都睇5次以上o架!!!!!!

 

 

 

 

今次有太多新動物啦, 貪新忘舊嘅大寶,

完完全全忘記咗 " 大熊貓 " 同 " 海獅 ",

反而細寶睇威威劇場時不知幾投入~

不過細寶都係第一次來,

不知 d 3分鐘熱度又維持得幾耐呢???

 

 

今日, 又雪糕又爆谷~ 又纜車又天輪~

令到大寶開心到飄飄然, 不停同細寶攬攬錫錫~

睇來~

想加深佢倆隻曳人嘅感情,

再虛脫多幾次都要再來啦.....

 

 

講真, 買年票~

我都覺得海洋公園抵過迪士尼多多聲,

話哂都有"真"動物睇吓呀~ 係咪?