2寶好幫手

 

 

2寶嘅玩具實在堆積如山....

今日, 的起心肝好好咁清潔一下兼大執位~

 

細寶一見我拿盤水出來,

即時倆眼發光,

半爬半 " 冷 " 咁行埋來,

 

早知一盤水就可以令到你哋咁開心,

咁..... 就唔駛買玩具啦.....

 

一於密密玩~ 好好咁消磨呢個夏日啦~

 

 

 

 

 

 

快將 9 個月大嘅細寶,

每方面都慢過人....

 

未識爬....

只出咗一小點牙仔....

未識自己拿食物入口, 除咗玩具.....

未識企..... 我哋扶住就跳唔停.....

未識用飲管飲水... 玩階段努力學習中~

不過都似發牙癢居多~

 

 

 

人肉搖搖板

 

 

平日嘅 baba , 通常都係負責影吓相, 做吓咕呢...

 

但 

 

今次發揮佢最大最大嘅長處~

 

變身人肉搖搖板~

 

比倆隻曳人係咁搖...

 

唔知 baba 副老骨頭散未呢???

 

 

 

 

辣辣火鍋, 我來也~

 

 

呵呵呵呵~ 我愛打邊爐~

今晚有朋友生日, 佢哋好有我心, 知我要揍仔,

特登來到屋企樓吓食飯慶祝,

要壽星仔就我呢位 c 9 , 真係, 朋友~ 無嘢講~

 

 

 

 

嘩~ 我好似放監咁呀~

係咁食, 係咁食, 一於將自己身形忘得一乾二淨.....

 

 

 

 

仲忘情地係咁食辣~ 嘩, 幾耐無食呀~

有成8個月無食... 未計之前要餵大寶而停個2年....

 

 

 

 

 

唔~~~~~~~ 好味呀~

細寶, 細寶~

你唔會怪我唔忍口呀呵?? 都快9個月人仔~

唔怕嘅~  一次咁多啦~

 

 

 

 

又大一歲嘅朋友~

生日快樂呀!!!!

 

 

 

吹吓東8吓西, 話咁快就2個鐘,

灰 c 9又要回家揍仔啦.....

 

 

 

 

自家水

 

 

 

 

好懶嘅我, 近排都少咗 update 細寶 d 肉照比大家睇~

 

其實日日對住佢哋, 真係得閒死唔得閒影呀~ 哈哈哈哈~

 

今次見佢同大寶玩得咁開心,

o拿o拿林影咗d相,

 

係咁熱嘅天氣下,

 

算死草c9, 無咩比到佢哋啦,

玩水啦~ 最好嘅消閒活動就係玩水~

 

 

因為大寶有濕疹, 去唔到泳池玩水~

 

所以只好玩自己屋企嘅水~

 

 

 

 

 

 

刨冰

 

6月14日, 星期日, 熱呀!!!!!!!!!!!!!!!!!!!!!!!

 

 

 

 

今日, 我哋賣甩細寶,

3人行去咗旺角食糖水~

 

試咗呢個叫, 飄雪刨冰~

 

 

好幼細, 一d都唔會食到 " 格格 "聲,

因為我成日都認為食冰就有如食幼沙石咁,

又唔好咬... 又唔好味....

 

 

但呢隻整到一層一層咁~ 入口即溶呢~~~~

大寶食到唔停口呀~

 

 

 

本想同大寶一齊食一碟..

點知, 我影完相之後....

已經比佢極速纖滅咗....

唉.... 我剩係食得一啖咋.......

 

 

 

食得很知味~ yummy~

 

 

 

 

一起玩過的日子

 

 

2寶新玩意~

 

 

 

8個幾月嘅細寶, 坐得幾ok之時, 貪玩嘅佢就急不及待試新嘢,

就係人肉盪鞦韆~

 

好彩大寶都肯揸實佢隻腳仔, 唔會玩玩下就放手~

仲一次又一次,

倆個都唔倦嘅, 係咁笑係咁跳.....

 

曳人2號玩得不亦樂乎~

 

 

 

 

 

 

再來係臭屁蛋人~

 

呢個咁不雅嘅遊戲...... 真係唔係幾見得人,

不過2寶就不知幾喜歡,

話說大寶細時, 我好鍾意捉住佢隻大脾仔係咁 " boo boo " 吹 d 氣來引佢笑~

唔知係唔係太入腦...

 

到 e + 啦, 大寶就偷師, 用我獨門功夫來對付細寶,

同樣地.....

細寶係好 enjoy ~