朋友

 

 

不知不覺同西九班朋友仔都識咗年幾倆年,

大寶由初初嘅怕羞仔到 e + 差不多記得哂全部朋友仔,

特別係成日見到個幾位, 佢真係經常將佢哋個名掛在嘴邊~

就知佢呢個時期係幾想有朋輩一齊玩~

 

 

記得早幾個星期前,

係屋企樓下遇見君浩(唔知係唔係用呢個浩字),

嘩~~~~ 大寶開心到忘哂形, 倆個玩到唔願走之餘,

仲齊齊 shopping, 跟住倆個就雞啄唔斷啦,

一路行一路傾佢哋d 細路計, 行到咁上下就講一次 bye bye,

點知講咗十幾次都仲係手拖住手唔願放.....

終於就邀請咗君浩上來我家玩啦~

 

 

倆個人仔初初都係各有各玩, 仲互相爭玩具玩,

不過唔駛一陣就投入了男人嘅世界 " 車 ~"

大寶就好似一位車主咁, 好想晒冷騷哂 d 珍藏出來,

但又唔捨得比君浩玩...

好矛盾嘅心情, 哈哈~

君浩一走, 大寶即時已投降瞓咗,

所以話呢~

有朋友一齊玩一齊成長係幾開心嘅事~

 

 

 

 

 

在上星期六, ( 5月16日)

 

 

西九班媽咪又相約去探謙謙個妹妹~

就係咁,

一大班小朋友又相聚一齊玩~

自從大家各自返學之後就少了見面啦~

我心內一直都想繼續嘅....

難得今次仲要係有6個人仔一齊見一齊玩~

大寶笑得真係好開心~

直到晚上返到屋企都仲不停講住朋友仔 d 名,

喊哂口咁話想再約佢哋出來再玩過~

真係無佢收呀~