打牙教

有無咁快？？

未夠４個月就牙癢？？

見細寶近排食奶都好喜歡食食吓就停，

跟住望一望我，跟住就咬落ｏ黎．．．．

作死囉！！！

你發牙癢得咁緊要？？當我係牙膠仲得了．．．．

ｏ拿ｏ拿冧隊嚿牙膠比你自己慢慢嘆

咪搞我．．怕怕．．．

唔係講笑，真係好認真咁咬吓咬吓，

比佢自己揸住都仲得，得唔得？得咗～

個大佬寶見佢食得咁知味，又忍唔住八卦，

一手就搶咗放入口咬番幾啖來表演，

得啦，知啦，

你哋係食牙膠高手啦，得未？！

仲你一啖，我一啖，咁互食，

唉？？真係咁好味咩，值得去咁分享？

又來抱抱細寶時間，

明顯地，２寶今次多咗交流，

大寶拍手時，細寶嘴大大，仲呀～呀聲，合唱乎？

不過都係似大寶個人獨唱多ｄ