早排天氣又凍又乾．．．．
我都心知不妙，
果然．．． 不出所料，
大寶身上所有手手腳腳都出滿濕疹，
簡直係一發不可收拾．．．
以前都無咁勁，就係今年呢個冬季就特別犀利，
西醫就講，原因不明，一轉天氣就會病發，
只有不停潤膚又潤膚，唔好比皮膚乾燥，
睇見佢不停”ｒ”，不停叫痛，又忍唔到手，
結果就惡性循環，癢，ｒ，痛，不停又不停．．．．
整到大寶幾日都瞓唔到，
我又要不停同佢茶藥膏，又要幫佢細細力ｒ，
又要安撫佢無得瞓，又好癢，好忟嘅心情．．
我真係．．睇到又心痛，又幫唔到佢ｄ咩．．
有咩方法？？？？？？？
可以治本而不是治標？？？
我已開始從飲食埋手，所有至敏食物都暫停．．
而又開始煲解毒湯水，
希望有幫助啦．．．
一直都好少講我家姐姐嘅事，
因為佢都算幫到手，又肯同大寶玩，係慢手腳ｄ，時有發夢咁啫．．
但近日，不知是我哋脾氣差咗定佢真係發夢發得多咗．．．
今日不得不呻一呻，
好似尋日咁，早上講比佢知，無生果啦，要買，咁大寶喜歡食皇帝蕉，如你見到就買啦，
晚上食完飯，見到ｄ蕉就想打人啦．．隻隻都爛，咁都買？？
（心諗，想一家齊齊肚柯，之後唔駛煮飯？）
ｂａｂａ半講笑咁講”你打斧頭呀？爛成咁都賣＄１０？”
姐姐當然無出聲啦，
我諗，佢打斧頭就唔敢，不過夢遊啫，
好似ｄ＄＄唔係佢就亂咁用，話之你，
以前佢都唔會咁，爛得滯咪買第２樣囉，但近排真係．．
佢平時手腳慢都算啦，由９點洗碗洗到１０點半都由你，你自己遲休息，
（好話唔好聽，洗埋自己都夠時間啦．．）
多碗又係咁耐，少碗又係咁耐，我以前都日日洗，又點會唔知要幾多時間呀，
不過ｅ＋多個細嘅，想你快手ｄ，有時幫吓我其他嘢啫，
清潔都要做多ｄ啦，仲唔快手ｄ．．
唔知關唔關天氣事，呢個月又愈來愈遲起身，
夜晚夜一夜都唔肯瞓，係要煲電話粥，又成日唔記得熄燈，
（ｂａｂａ有諗過裝時間制，一夠鐘就自動熄燈，但成本太貴，無做．．）
成７點半先食早餐，以前早餐無咩要煮都無所謂，
但ｅ＋我又要煲代茶，細寶又早起沖涼，
你就早小小起身啦，至低限度都掃好地呀，大寶成日係地玩．．
下午大寶瞓咗午睡又唔去洗吓個浴室，慢手慢腳，
成日了去廚房整東整西，ｂａｂａ成日投訴，送又整得唔好，又整得耐．．．
（煮送要天份嘅，呢樣我心知，怪不得．．）
又成日洗”ｗｅｌｌ”２寶ｄ衫，終於我屈服，２寶ｄ衫由洗衣機洗啦．．
唉．．．．今日呻住咁多先．．
如ｂａｂａ睇到，唔該！千萬！冷靜！
唔好又再同我爭拗，我只係呻，無咩目的，你就由我啦～ 好ｍａ？
唔好再為工人小小事情而大動干火，ｏｋ？
早在１月頭已應承大寶，今個月搵日同佢去摘士多啤梨，
終於都等到１１日，就去返大棠度玩啦～
一心諗住，咁凍．．．應該無咩人啦，
係就係無人，連帶ｄ士多啤梨都無添．．
原來在１０號時，有幾團人來玩，
狂風掃落葉式咁纖滅哂所有大大粒士多啤梨，
場內剩下嘅殘餘物資．．．青ｂｂ，奀之之，無忽好肉．．
真係摘唔落手，
唯有帶大寶兜一圈就走人～
我見到大寶咁失望．．
就貪得意叫ｂａｂａ同佢齊齊做咗個”扁嘴＋打開手＋講．無”表情
咁啱場內ｄ叔叔見大寶個失望樣，
就送佢一粒作安慰，
都算有小小收獲啦～
跟住，呢個ｐｏｓｔ就成了今日指定動作啦～
真係好嘅唔靈，醜嘅靈，
摘唔到士多啤梨已失望啦，就連朝思夢想嘅”馬馬可樂”，
都因在昨日咬親人而要”眼看手勿動”．．．
餵唔到馬馬可樂就餵其他啦．．
超失落嘅大寶就只好死攬住ｂａｂａ來得到一絲慰藉，
全日都無咩再落過地啦，
ｂａｂａ，真係辛苦哂～
倆大目標都失望而回，唯有死死地氣去餵魚啦，
真係黑開有條路．．．
大寶餵極ｄ魚都唔游埋來，
我哋一睇就知ｄ魚係飽得滯，食都唔想食，
大寶初初都滿腔熱誠，但見ｄ魚無咩反應就開始招牌扁嘴表情，
唉．．．
今日失望至此，真係無嘢好講，
好彩，仲有個鞦韆盪吓盪吓～
但笑容欠俸．．
古靈精怪表情就一籮籮，
最後，再來一次”扁嘴＋打開手＋講．無”來總結今日行程～
大寶，呀四應承你，
下次一定打聽好才出發，ｏｋ～
”
